2020-2021 jyldarǵa arnalǵan Jumyspen qamtýdyń jol kartasy aiasynda (budan ári – JQJK) 3 096 jobany júzege asyrý bastalyp, olardyń aýqymynda 26,3 myń jumys orny quryldy, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine jasap.
JQJK aiasynda jergilikti atqarýshy oryndar 6 506 jobany iske asyrýǵa usynyp otyr. Onyń ishinde 2 410 joba respýblikalyq biýdjet esebinen qolǵa alynýda.
JQJK infraqurylymdyq jobalaryn iske asyrý 4 negizgi baǵyt boiynsha ótedi:
– áleýmettik-mádeni nysandardy kúrdeli jáne aǵymdaǵy jóndeý, qaita qurylymdaý jáne salý (2 703 joba);
– turǵyn úi-kommýnaldyq sharýashylyq nysandaryn kúrdeli, ortasha jáne aǵymdaǵy jóndeý, qaita qurylymdaý (1 039 joba);
– injenerlik-kólik infraqurylymyn kúrdeli, ortasha jáne aǵymdaǵy jóndeý, qaita qurylymdaý jáne salý (1 799 joba);
– eldi mekenderdi abattandyrý (965 joba).
JQJK infraqurylymdyq jobalaryn iske asyrý kezinde otandyq óndirýshilerdiń keminde 90% taýarlary men qyzmetterin qoldanýdy qamtamasyz etý erekshe shart bolyp tabylady. Jumysshylardyń kem degende jartysy halyqty jumyspen qamtý ortalyqtary arqyly alynyp, basymdyq jumyssyz júrgen jastarǵa beriletin bolady. Merdigerler sanitarlyq-epidemiologiialyq sharalardy qoldana otyryp, qaýipsiz eńbek jaǵdaiyn qamtamasyz etýge tiis.
13 mamyrdaǵy jaǵdai boiynsha birqatar óńirde 3 096 joba turǵysynda jumys bastalyp, 26,3 myń jumys orny quryldy. Munda 11,8 myńy jumyspen qamtý ortalyqtary ortaq iske tartylǵan.
JQJK aiasynda barlyǵy 255 myń jumys ornyn ashý josparlanýda. Bul rette JQJK jobalary bolashaqta 100 myńnan astam turaqty jumys ornyn ashýǵa negiz bolady.
Budan buryn habarlaǵandai, JQJK júzege asyrýdyń aitarlyqtai oń áseri sezilmek.
Mysaly, 80 jańa bilim berý nysanynyń qurylysy apatty jáne úsh aýysymdy mektepterdiń máselelerin sheshýge, aýyldyq jerlerde bilim berý oryndaryna qoljetimdilikti arttyrýǵa, sondai-aq 7 myńǵa jýyq muǵalimdi turaqty jumysqa ornalastyrýǵa yqpal etedi. 24 densaýlyq saqtaý nysanynyń qurylysy alǵashqy meditsinalyq-sanitarlyq kómekke qoljetimdilikti arttyrady, shamamen 1 myń meditsina qyzmetkerin jumysqa ornalastyrýǵa múmkindik beredi. 36 mádeniet jáne sport nysanynyń qurylysy buqaralyq sportty damytýǵa oń áser etip, jastar úshin bos ýaqyt máselesin sheshýge jáne 1,6 myń adamdy turaqty jumyspen qamtamasyz etýge jaǵdai týǵyzady.
Óz kezeginde, sý sharýashylyǵynyń 12 jańa nysanyn salý jáne qoldanystaǵylaryn jańǵyrtý halyq úshin aýyz sýdyń qoljetimdiligin arttyrady, sýarmaly jerlerdiń kólemin keńeitýge, paidalanylmaityn jerlerdi ainalymǵa tartýǵa, aralas salalarda 77 myń adamdy jumyspen qamtýdy qamtamasyz etýge múmkindik beredi. Turǵyn úi-kommýnaldyq sharýashylyqtyń 247 jańa nysanyn salý jáne qoldanystaǵylaryn jańǵyrtý turǵyn úi qurylysy úshin jaǵdai jasaidy, aýyl turǵyndary úshin kommýnaldyq qyzmetterdiń qoljetimdiligin qamtamasyz etedi, kommýnaldyq jeliniń tozýyn tómendetedi. Eldi mekenderdi abattandyrý olardyń syrtqy kelbetin jaqsartyp qana qoimai, azamattardyń qaýipsiz jáne jaily demalysy úshin jaǵdai jasaidy.
