5091 adam elektrondyq úkimet portalynda jumys izdep júrgen adam retinde tirkelgen, dep habarlaidy "Ult aqparat" Eńbek jáne halyqty áleýmettik qorǵaý ministrligine silteme jasap.
Qyzmetti alý úshin portaldyń basty betinde «Jumysqa ornalastyrý jáne jumyspen qamtý» bólimine ótý, odan ári «Jumys izdegen adamdardy tirkeý» qyzmetin tańdaý jáne qyzmetke onlain tapsyrys berý qajet. Kez kelgen yńǵaily tásilmen avtorizatsiiadan keiin (login men parol, ETsQ, SIM-kartadaǵy ETsQ, bir rettik parol, Digital-ID, QR-kod) ózi týraly aqparatty toltyrý jáne suraýǵa ETsQ arqyly qol qoiý qajet.
Jumys izdep júrgen adam retinde tirkelgennen keiin bir jumys kúni ishinde halyqty jumyspen qamtý ortalyǵynyń qyzmetkerleri laiyqty bos jumys ornyn izdeýdi júzege asyratyn bolady. Eger jumys tabylmasa, ótinish berýshige qashyqtyqtan jumyssyz mártebesi beriledi. Eger bul rette jumyssyz azamat mindetti áleýmettik saqtandyrý júiesiniń qatysýshysy bolyp tabylsa, ol jumysty joǵaltý boiynsha tólemge úmitker bola alady, ol SMS arqyly proaktivti túrde taǵaiyndalady.
«Jumys izdep júrgen adamdardy tirkeý qyzmetin» halyqty jumyspen qamtý ortalyqtarynda da alýǵa bolady. Alaida koronavirýs pandemiiasy kóptegen qyzmetterdi úiden shyqpai-aq onlain alýǵa bolatynyn dáleldedi. Mysaly, egov.kz nemese SMS arqyly. Bul óte yńǵaily, óitkeni bir jerge barýdyń, qujattardy jinaýdyń, oǵan ýaqyt jumsaýdyń qajeti joq. Tsifrlyq tehnologiialar kóptegen protsesterdi onlain ózara is-qimylǵa aýystyrady, osylaisha adam faktorynyń áserin tómendetip, jemqorlyq táýekelderin azaitady», – deidi QR Eńbek jáne halyqty áleýmettik qorǵaý vitse-ministri Nariman Muqyshev.
Esterińizge sala keteiik, jumyspen qamtýdy tsifrlandyrý aiasynda onlain túrde jumys tabýǵa múmkindik beretin «Elektrondyq eńbek birjasy» jáne barlyq málimetter júiede saqtalady.
Sondyqtan, azamattardyń jumysqa ornalasýyna jumsaityn ýaqytyn únemdeýge múmkindik beretin «Eńbek sharttaryn esepke alýdyń biryńǵai júiesi» jobasy júzege asyrylýda.
