foto: Vlast.kz
Memleket basshysy Qasym-Jomart Toqaev «Qazaqstan» telearnasyna bergen suhbatynda kadrlyq aýys-túiister týraly pikir bildirip, Almaty qalasynyń jańa ákimi týraly da aitty, - dep habarlaidy Tengrinews.kz tilshisi.
"Ondai oiym joq. Almaty - elimizdegi eń iri, erekshe shahar. Qalanyń ahýaly, turǵyndardyń ál-aýqaty meniń jeke nazarymda. Qańtar oqiǵasy kezinde qalanyń ekonomikasy zardap shekti. Azamattardyń jáne biznes ieleriniń dúnie-múlki tonaldy. Kóptegen nysan órteldi, qiratyldy. Sonyń bárin qalpyna keltirý kerek. Bul - ońai sharýa emes. Sondyqtan osyndai jaýapty jumys jańa ákim Erbolat Dosaevqa júkteldi, qolynan keledi dep úmittenemin. Sebebi onyń biznes salasynda, memlekettik qyzmette tájiribesi mol. Isker, eńbekqor adam. Jumys isteýine múmkindik bergen jón dep oilaimyn" - dedi ol.
