Álemdik azyq-túlik naryqtaryndaǵy turaqsyz jaǵdaiǵa bailanysty jáne otandyq qus fabrikalaryn qoldaý, ishki naryqtyń turaqtylyǵyn saqtaý maqsatynda Aýyl sharýashylyǵy ministrligi jumyrtqa óndirýshilerdi qoldaý kólemin ulǵaitý týraly sheshim qabyldady. Bul týraly Túrkistan oblysynda ótken respýblikalyq seminar-keńeste vedomstvo basshysy málimdedi, dep habarlaidy "Ult aqparat" ministrlikke silteme jasap.
Aýyl sharýashylyǵy ministrligi asyl tuqymdy mal sharýashylyǵyn damytýdy, mal sharýashylyǵynyń ónimdiligin jáne ónim sapasyn arttyrýdy sýbsidiialaý qaǵidalaryna taǵamdyq jumyrtqany sýbsidiialaýdy engizý bóliginde ózgerister men tolyqtyrýlar engizip otyr.
Osylaisha, ereje jobasynda jumyrtqa óndirisiniń qunyn arzandatýǵa arnalǵan sýbsidiialar normativin eki ese ulǵaitý kózdelgen, ol qus fabrikasynyń qýatyna qaramastan, bir danasyna - 3 teńge bolady.
Bul qoldaý sharasymen elimizdiń barlyq jumyrtqa qus fabrikalary qamtylady, olardy sýbsidiialaýǵa 6,5 mlrd teńge bólinedi.
Aita ketsek, respýblikada 63 qus fabrikasy bar, onyń ishinde 29-y et jáne 34-i jumyrtqa baǵytynda. 2021 jyldyń qorytyndysy boiynsha otandyq qus fabrikalary soiys salmaqta 266,8 myń tonna qus etin óndirdi, bul - jalpy óndiris kóleminiń 98%-yn quraidy. Taýyq jumyrtqasy 3,5 mlrd dana nemese jalpy óndiristiń 74%-y óndirildi. Qus etimen qamtamasyz etý 66%, import úlesi 45%-dan 39,5%-ǵa deiin tómendedi. El taǵamdyq jumyrtqamen 98% qamtamasyz etilgen.
