Foto: Pexels.com
QR Saýda jáne integratsiia ministrligi, Aýyl sharýashylyǵy ministrligi, Qus ósirýshiler odaǵy, jumyrtqa óndirýshiler salalyq qaýymdastyǵy jáne Saýda jelileri odaǵy áleýmettik mańyzdy azyq-túlik taýarlarynyń baǵasyn turaqtandyrý sharalaryn iske asyrý boiynsha yntymaqtastyq memorandýmyna qol qoidy, dep habarlaidy Ult.kz.
Memorandýmnyń negizi - taraptardyń baǵa turaqtylyǵyn qamtamasyz etýge degen ózara múddeliligi men biznestiń áleýmettik jaýapkershiligin arttyrý.
Qol qoiylǵan memorandým aiasynda Qus ósirýshiler odaǵy men Qaýymdastyq qus fabrikalarynyń qoimalary men firmalyq dúkenderinde satylym baǵasynyń turaqtylyǵyn qamtamasyz etýge mindetteme aldy.
Óz tarapynan Saýda jelileri odaǵy zańnama talaptaryna sáikes saýda ústemesi mólsherin saqtaýyn qamtamasyz etedi jáne osy sanattaǵy jumyrtqalardy satýdan syiaqy talap etpeidi.
Aýyl sharýashylyǵy ministrligi jergilikti óndirýshilerdi qorǵaý maqsatynda jumyrtqa importyna shekteý engizý máselesin qarastyryp, Saýda jáne integratsiia ministrligimen birge zańsyz importtyq jumyrtqalardy naryqqa shyqpaýyn, olardy ainalymnan alý jóninde baqylaý sharalaryn qabyldaidy.
Saýda jáne integratsiia ministrligi memorandým aiasynda baǵa monitoringin júrgizip, onyń sharttarynyń oryndalýyn baqylaidy.
