Básekelestikti qorǵaý jáne damytý agenttiginiń tóraǵasy Serik Jumanǵarin Májiliste ótken dóńgelek ústelde «Qazaqtelekomnyń» monopoliiasyn shekteý joldaryn usyndy, dep habarlaidy QazAqparat.
«Temirjol tasymaly boiynsha da usynystarymyz bar. Júk tasymaldaýǵa litsenziia berý úshin qoiylatyn biliktilik talaptaryn qaita qaraý kerek. Tasymaldaýshynyń ieliginde jańa lokomotivter bolýy kerek. Tabysy az júk tasymaldaýdan bas tartqan kompaniialardyń litsenziiasy qaitarylýy qajet. Jańa júk aǵynyn tartqan kezde ǵana tranzittik tasymalǵa ruqsat berilýi shart. «QTJ»-ǵa tiesili kólemge talas joq. Halyqaralyq temirjol qatynasynyń ótkizý qabiletin arttyratyn uzaq merzimdi baǵdarlama qabyldaý usynylady», - dedi agenttik tóraǵasy.
«Áýe tasymaly naryǵynda «Qazaq Air»-diń aktsiialaryn satyp, «Fly Arystan»-nyń aktsiialaryn jeke zańdy tulǵa retinde shyǵarý, keiinnen aktivterdiń 51%-yn satý usynylady. Aviaotynnyń birjadaǵy satylymyn ulǵaitý, ashyq aspan rejimi merzimin 3 jyldan 5 jylǵa deiin uzartý, besinshi jáne jetinshi dárejeli erkindik quqyǵyn berý josparlanyp otyr. Qalaishilik jolaýshylar tasymaldarynda jańa kommýnaldyq kásiporyndar qurýǵa tyiym salý kerek. Tasymaldaýshylardyń shyǵyndaryn sýbsidiialaýdy qamtamasyz etý usynylady. Eger biýdjetten sýbsidiialanbasa, qarajat marshrýttardy «áleýmettik» dep ataýǵa tyiym salynady. Bailanys naryǵynda «Qazaqtelekom» kompaniiasynyń eki birdei bailanys operatoryna ielik etý máselesin qarastyrǵan jón. «Qazaqtelekomnyń» aralas taýar naryqtaryndaǵy qyzmetin de qyzmetin shekteý qajet. Kábil jelisine qol jetkizý erejelerin qaita qaraý arqyly, birneshe bailanys operatorlaryna múmkindik beretin zańnamalyq ózgerister engizý qajet», - dedi agenttik basshysy.
