Foto:egemen.kz
Vitse-premer Serik Jumanǵarinniń sózinshe dollardyń qymbattaýy qazaqstandyq azyq-túlik ónimderiniń baǵasyna aitarlyqtai áser etpeidi. Bul pikirin ol Májilis kýlýarynda aitty, -dep habarlaidy ult.kz.
Onyń aitýynsha, dollar baǵamynyń ósýi tek importtalatyn qymbat taýarlarǵa yqpal etýi múmkin, al otandyq azyq-túlik óndirisine bul ózgeristerdiń áseri az bolady.
Aita keteiik, ulttyq valiýtanyń qunsyzdanýy azyq-túlik baǵasyna da áser etýi múmkin degen túsinik qalyptasqan. Biraq Jumanǵarin otandyq ónimderdiń negizgi bóligi el ishinde óndiriletindikten, valiýta baǵamynyń olardyń qunyna yqpaly tómen ekenin aitty.
"Bylaisha aitqanda, fýa gra delik. Eger siz ony Frantsiiadan satyp alsańyz-ekzotikany súietinder úshin, álbette qymbattaidy. Óitkeni siz valiýtaǵa satyp alasyz. Tiisinshe, qymbat sharaptar, segmentter bar. Biraq eger siz qazaqstandyq sharaptardy satyp alsańyz, qazaqstandyq taýyq eti men nandy alsańyz dollar komponentiniń oǵan qandai qatysy bar? - dedi ol.
Jýrnalisterdiń sút ónimderi men iogýrttardyń 100-150 teńgege qymbattaǵany týraly saýaldaryna jaýap bergen vitse-premer bul sandardy tym joǵary dep baǵalap, mundai ózgeristerdi ózi baiqamaǵanyn aitty. Onyń sózinshe, baǵanyń aitarlyqtai ósýi anyqtalsa, úkimet dereý áreket eter edi. Ol baǵanyń ózgerýin túsiný úshin onyń quramdas bólikterin taldaý qajet jáne baǵanyń ósimi kóbinese saiasi jaǵdaiǵa bailanysty.
Jumanǵarin biylǵy jyly azyq-túlik infliatsiiasynyń tómen deńgeide ekenin atap ótip, úkimettiń jaǵdaidy turaqtandyrýǵa baǵyttalǵan sharalarynyń tiimdiligin aitty.
Onyń málimetinshe:
Azyq-túlik taýarlary boiynsha infliatsiia – 4,4%;
Azyq-túlik emes taýarlar boiynsha – 7,4%;
Qyzmet kórsetý sektory boiynsha – shamamen 12%.
