فوتو:egemen.kz
ۆيتسە-پرەمەر سەرٸك جۇمانعاريننٸڭ سٶزٸنشە دوللاردىڭ قىمباتتاۋى قازاقستاندىق ازىق-تٷلٸك ٶنٸمدەرٸنٸڭ باعاسىنا ايتارلىقتاي ەسەر ەتپەيدٸ. بۇل پٸكٸرٸن ول مەجٸلٸس كۋلۋارىندا ايتتى, -دەپ حابارلايدى ult.kz.
ونىڭ ايتۋىنشا, دوللار باعامىنىڭ ٶسۋٸ تەك يمپورتتالاتىن قىمبات تاۋارلارعا ىقپال ەتۋٸ مٷمكٸن, ال وتاندىق ازىق-تٷلٸك ٶندٸرٸسٸنە بۇل ٶزگەرٸستەردٸڭ ەسەرٸ از بولادى.
ايتا كەتەيٸك, ۇلتتىق ۆاليۋتانىڭ قۇنسىزدانۋى ازىق-تٷلٸك باعاسىنا دا ەسەر ەتۋٸ مٷمكٸن دەگەن تٷسٸنٸك قالىپتاسقان. بٸراق جۇمانعارين وتاندىق ٶنٸمدەردٸڭ نەگٸزگٸ بٶلٸگٸ ەل ٸشٸندە ٶندٸرٸلەتٸندٸكتەن, ۆاليۋتا باعامىنىڭ ولاردىڭ قۇنىنا ىقپالى تٶمەن ەكەنٸن ايتتى.
"بىلايشا ايتقاندا, فۋا گرا دەلٸك. ەگەر سٸز ونى فرانتسييادان ساتىپ الساڭىز-ەكزوتيكانى سٷيەتٸندەر ٷشٸن, ەلبەتتە قىمباتتايدى. ٶيتكەنٸ سٸز ۆاليۋتاعا ساتىپ الاسىز. تيٸسٸنشە, قىمبات شاراپتار, سەگمەنتتەر بار. بٸراق ەگەر سٸز قازاقستاندىق شاراپتاردى ساتىپ الساڭىز, قازاقستاندىق تاۋىق ەتٸ مەن ناندى الساڭىز دوللار كومپونەنتٸنٸڭ وعان قانداي قاتىسى بار? - دەدٸ ول.
جۋرناليستەردٸڭ سٷت ٶنٸمدەرٸ مەن يوگۋرتتاردىڭ 100-150 تەڭگەگە قىمباتتاعانى تۋرالى ساۋالدارىنا جاۋاپ بەرگەن ۆيتسە-پرەمەر بۇل سانداردى تىم جوعارى دەپ باعالاپ, مۇنداي ٶزگەرٸستەردٸ ٶزٸ بايقاماعانىن ايتتى. ونىڭ سٶزٸنشە, باعانىڭ ايتارلىقتاي ٶسۋٸ انىقتالسا, ٷكٸمەت دەرەۋ ەرەكەت ەتەر ەدٸ. ول باعانىڭ ٶزگەرۋٸن تٷسٸنۋ ٷشٸن ونىڭ قۇرامداس بٶلٸكتەرٸن تالداۋ قاجەت جەنە باعانىڭ ٶسٸمٸ كٶبٸنەسە ساياسي جاعدايعا بايلانىستى.
جۇمانعارين بيىلعى جىلى ازىق-تٷلٸك ينفلياتسيياسىنىڭ تٶمەن دەڭگەيدە ەكەنٸن اتاپ ٶتٸپ, ٷكٸمەتتٸڭ جاعدايدى تۇراقتاندىرۋعا باعىتتالعان شارالارىنىڭ تيٸمدٸلٸگٸن ايتتى.
ونىڭ مەلٸمەتٸنشە:
ازىق-تٷلٸك تاۋارلارى بويىنشا ينفلياتسييا – 4,4%;
ازىق-تٷلٸك ەمەس تاۋارلار بويىنشا – 7,4%;
قىزمەت كٶرسەتۋ سەكتورى بويىنشا – شامامەن 12%.
