Qazgidromet jumaǵa arnalǵan aýa raiy boljamyn jariialady, dep habarlaidy "Ult aqparat".
Ońtústik jáne Atlantikalyq tsiklondarmen bailanysqan atmosferalyq frontaldy bólikterdiń ótýine bailanysty, elimizdiń basym bóliginde qubylmaly aýa raiy saqtalady – jaýyn-shashyn, batys, ońtústik, ońtústik-shyǵys jáne shyǵys aýdandarda qatty jaýyn-shashyn (jańbyr, qar) jaýady.
Respýblikanyń kei jerlerinde tuman, kóktaiǵaq, jeldiń kúsheiýi, soltústik-shyǵys, ortalyq pen shyǵysta – jaiaý burqasynmen, ońtústik-batysta, ońtústikte jáne ońtústik-shyǵysta naizaǵai kútiledi.
Qostanai, Aqtóbe, Qaraǵandy, Shyǵys Qazaqstan oblystarynyń kei jerlerinde tuman, kóktaiǵaq, jaiaý burqasyn, jel 15-20 m/s, Qaraǵandy, Shyǵys Qazaqstan oblystarynda ekpini 23-28 m/s kútiledi.
Batys Qazaqstan oblysynyń kei jerlerinde tuman, kóktaiǵaq, túnde jeldiń jyldamdyǵy 15-20 m/s jetedi.
Atyraý, Soltústik Qazaqstan oblystarynyń kei jerlerinde tuman, kúndiz jeldiń 15-20 m/s kúsheiýi kútiledi.
Túrkistan, Jambyl, Qyzylorda oblystarynyń kei jerlerinde jeldiń 15-20, ekpini 23-28 m/s kúsheiýi kútiledi, Jambyl, Qyzylorda oblystarynda – tuman.
Almaty oblysynyń kei jerlerinde jeldiń 15-20 m/s kúsheiiýi kútiledi. Aqmola oblysynyń kei jerlerinde tuman, kóktaiǵaq bolady.
