22 shildede Qazaqstannyń basym bóliginde naizaǵai, jańbyr, ekpindi jel kútiledi. Eldiń batysy men shyǵysynda burshaq, ońtústik-batysynda shańdy daýyl bolady. Respýblikanyń tek ońtústiginde jáne ońtústik-shyǵysynda jaýyn-shashynsyz aýa raiy saqtalady, dep habarlaidy QazAqparat «Qazgidrometke» silteme jasap.
Atap aitqanda, Túrkistan, Qyzylorda, Jambyl, Jetisý oblystarynyń basym bóliginde, Mańǵystaý, Qostanai oblystarynyń ońtústiginde tótenshe órt qaýpi kútiledi.
Kúndiz Ulytaý oblysynyń basym bóliginde qatty ystyq saqtalady.
Kúndiz Jambyl oblysynyń basym bóliginde, Qyzylorda oblysynyń ońtústiginde, Qaraǵandy oblysynyń ońtústik-shyǵysynda, Túrkistan oblysynyń batysy men shóldi aýdandarynda, Jetisý oblysynyń batysy men ortalyǵynda, Almaty oblysynyń soltústiginde qatty ystyq boljanady.
