Qaraǵandy oblysynda meiramhanalardyń birinde qazaqstandyq juldyzdardyń qatysýymen dúrkiregen úilený toiy uiymdastyryldy. Endi mekeme basshylyǵy jáne toi ieleri karantin sharalaryn saqtamaǵany úshin iri kólemde aiyppul tóleitin bolady, dep habarlaidy "Ult aqparat".
Málim bolǵandai, Jezqazǵanda ótken demalys kúnderi tanymal qazaqstandyq ánshi Qýandyq Rahymnyń úilený toiy ótti. Merekege 70-ten astam adam jinaldy. Olardyń ishinde qalyńdyq pen kúieý jigittiń týystary ǵana emes, sonymen qatar basqa da tanymal sahna ártisteri bar. Olardyń arasynda Tóreǵali Tóreáli, Didar Qamiev, Nurbolat Abdýllin jáne basqalary bolǵan.
Estrada juldyzdary saltanatty jiynnan foto jáne videojazbalardy ózderiniń Instagram-paraqshalaryna salyp qoiǵan. Bul, óz kezeginde tek oqyrmandardyń ǵana emes, sonymen qatar jergilikti mobildi toptyń da nazaryn aýdarǵan. Top quramyna kiretin Taýarlar men qyzmetterdiń sapasy men qaýipsizdigin baqylaý basqarmasy men politsiia qyzmetkerleri zań buzýshylyqty tirkedi. Endi meiramhananyń basshylyǵy men toi iesine aiyppul salynady.
«Jezqazǵan qalalyq Taýarlar men qyzmetterdiń sapasy men qaýipsizdigin baqylaý basqarmasy 19 qazanda «Ulytaý» meiramhanasynda 70-ke jýyq adamnyń qatysýymen úilený toiy ótkenin habarlaidy. Material Jezqazǵan qalasynyń politsiia basqarmasynda tirkelgen. Jeke kásipker men is-sharanyń iesi jaýapkershilikke tartylady», - dedi Jezqazǵan qalalyq Taýarlar men qyzmetterdiń sapasy men qaýipsizdigin baqylaý basqarmasynyń mamany Ánel Begimbaeva.
