Foto: gov.kz
2024 jylǵy 8-13 qyrkúiek aralyǵynda Astanada Ortalyq Aziia kóshpeli halyqtarynyń dástúrlerinen bastaý alatyn ulttyq sport túrlerine arnalǵan V Dúniejúzilik kóshpendiler oiyndary ótedi. Is-shara Qazaqstannyń mol mádeni jáne tarihi murasyn kórsetý úshin mańyzdy alańǵa ainalady. Bul maqalada doda týraly aqparat berýdi uiǵardyq.
Astanada ótetin 5-shi Dúniejúzilik kóshpendiler oiyndary Memleket basshysy Qasym-Jomart Toqaevtyń bastamasymen qolǵa alyndy.
Oiyndar Qazaqstandaǵy ulttyq sport túrlerin damytýǵa septigin tigizedi.
5-shi Dúniejúzilik kóshpendiler oiyndaryna daiyndyq barysynda shaǵyn jáne orta biznestiń, onyń ishinde týrizm, halyqtyq qolóner, qyzmet kórsetý salalaryndaǵy múmkindikterin iske asyrýyna jaǵdai jasalady", - deidi Astana ákimdigi ókilderi.
Dúniejúzilik kóshpendiler oiyndarynyń jarys baǵdarlamasyna sáikes sporttyń 20 túrinen jarystar ótedi. Sonymen qatar sporttyń 10 túri arnaiy tanystyrylym retinde dúiim jurtqa tanystyrylady.
Uiymdastyrýshylar sońǵy derekterdi jariialady. Ashylý saltanatyna biletter túgel satylyp ketken. Al jarystarǵa barlyǵy 89 elden 2 430 qatysýshy tirkelgen. Munyń ishine jattyqtyrýshylar men sportshylar kiredi. Oiyndarda 21 sport túri boiynsha 97 medal jiyntyǵy sarapqa salynady. Medaldardyń jalpy sany – 581 dana. Jarystyń jalpy júlde qory – 250 mln tg.
"7-13 qyrkúiek aralyǵynda jarys kúnderi kórermender úshin arnaiy shattl-bastar uiymdastyrylady. Ár kúni saǵat 8:00-den 21:00-ge deiin "Astana Arena" stadiony, EXPO jáne Respýblikalyq Bas meshitte avtobýstar jankúierlerdi sporttyq nysandarǵa aqysyz tasymaldaidy", - deidi V Dúniejúzilik kóshpendiler oiyndaryn daiyndaý jáne ótkizý jónindegi Direktsiia basshysynyń orynbasary Abylai Qondybaev.
Jarys baǵdarlamasyna sáikes 110 medal jiyntyǵy oinatylady. DKO-nyń sporttyq jáne mádeni is-sharalary 5 negizgi nysanda – "Astana Arena" stadionynda, "Qazanat" ippodromynda, J.Úshkempirov atyndaǵy jekpe-jek saraiynda, "Alaý" muz saraiynda jáne "Dýman" qonaq úi kesheninde ótedi.
Qaita jańartý jumystarynan keiin "Qazanat" ippodromy bir ýaqytta 10 myń kórermendi qabyldai alady. Etnoaýyl kesheni kúnine 30 myńǵa deiin kelýshini qabyldai alady.
Sporttyq jarystarmen mádeni sharalardy tamashalaýǵa 100myńnan astam qazaqstandyq jáne sheteldik týrist keledi dep josparlanǵan. Sheteldik týrister men jarys qatysýshylary úshin sport nysandarynyń janynda ornalasqan elordanyń úzdik 23 qonaq úi kesheniniń qyzmeti usynylady.
QR Mádeniet jáne aqparat ministrligi jyl basynan beri oiyndardyń ashylý saltanatyna belsendi daiyndyq júrgizip jatyr. Is-sharaǵa vedomstvolyq baǵynysty uiymdar men oblystyq shyǵarmashylyq ujymdardy qosa alǵanda, 3 000-ǵa jýyq ónerpaz qatysady. 8-shi qyrkúiek kúni saǵat 16:00-de Dúniejúzilik kóshpendiler oiyndarynyń ashylý saltanaty aldynda qazaqstandyq estrada juldyzdarynyń qatysýymen kontsert ótedi. Baǵdarlamada mýzyka, bi jáne dástúrli óner arqyly qazaq mádenietiniń san alýan bailyǵy kórermen nazaryna usynylady.
Kontsert aiaqtalǵannan keiin resmi ashylýy saǵat 19.00-de bastalady. Ashylý saltanatynda zamanaýi sahnalyq tehnologiialar men mýltimediialyq dizain qoldanylǵan, 2 saǵattyq aýqymdy mýzykalyq-teatrlandyrylǵan qoiylym kórsetiledi.
V Dúniejúzilik kóshpendiler oiyndarynyń basty taqyryby "Uly dala dúbiri" urany bolmaq. Qatysýshylar at jarysy, ulttyq kúres túrleri, dástúrli ziiatkerlik oiyndar, jekpe-jek, sadaq atý jáne halyq oiyndary siiaqty 21 sport túrinen baq synaidy. Barlyǵy 97 medal jiyntyǵy sarapqa salynady.
Ashylý saltanaty dástúrli túrde sport delegatsiialarynyń sherýinen bastalyp, sońynda Qazaqstannyń Halyq ártisi Dimash Qudaibergenniń oryndaýyndaǵy halyqtar dostyǵy men birligi týraly mýzykalyq kompozitsiiamen túiindeledi. Kórermen úshin Qazaqsta», Qazsport, Jibek Joly, "Habar" telearnasynda tikelei efir uiymdastyrylady.
