Ońtústik Qazaqstan oblysynyń ákimi Janseiit Túimebaev óńirge kelgen bir top QR Parlamenti Májilisiniń depýtattarymen kezdesti. Memleket basshysynyń «Bolashaqqa baǵdar: rýhani jańǵyrý» atty maqalasyn óńir jurtshylyǵyna nasihattaý maqsatynda kelgen QR Parlamenti Májilisi depýtattarynyń ishinde Sáken Qanybekov, Abdimanap Bekturǵanov, Mansurhan Mahambetov, Erjan Qudaibergen bar.
Kezdesý barysynda aimaq basshysy Elbasynyń «Bolashaqqa baǵdar: rýhani jańǵyrý» atty maqalasynda atap kórsetilgen mindetterdi negizge ala otyryp, oblystyń áleýmettik–ekonomikalyq damýy men saiasi turaqtylyǵyn qamtamasyz etý baǵytynda júieli jumystar atqarylyp jatqandyǵyna toqtaldy. Ákim sondai-aq oblys ekonomikasyn jaqsartýda halyqaralyq bailanystarǵa asa mán berilip, ishki týrizm salasyn damytýǵa kúsh salynyp otyrǵanyn sóz etti.
«Elbasynyń «Bolashaqqa baǵdar: rýhani jańǵyrý» atty maqalasy - mańyzdy saiasi-ideologiialyq qujat. Sebebi, bul maqalada ulttyq qundylyqtarymyz, memlekettiń ulttyq qurylymy, qazaq eliniń tarihi muralary týraly keńinen aitylǵan. Bizdiń búgingi eń basty maqsatymyz - elimizdi damyǵan 30 eldiń qataryna engizý. Sondyqtan Elbasy maqalasynda zamanǵa sáikes jańǵyrý, onyń ishinde rýhani jańǵyrý máselesi jan-jaqty taldanyp, oblysymyzda taiaý jyldarǵa aýqymdy mindetter qoiylyp otyr. Ári halyqaralyq bailanysty nyǵaitý arqyly óńirimizge invistitsiia tartý men kedergisiz kásipkerlik ortasyn qalyptastyrý baǵytynda aýqymdy jumystar atqarylýda»,-dedi Janseiit Qanseiituly
Elbasynyń bastamasymen júzege asyp otyrǵan baǵdarlamalardyń oryndalýyna qanyqqan halyq qalaýlylary aldaǵy ýaqytta Ońtústik Qazaqstannyń ósip-órkendeýi jolyndaǵy jobalarǵa barynsha óz úlesterin qosyp, qoldaý bildiretindikterin jetkizdi.
Demalys ýaqytynda oblystyń birqatar óńirlerinde bolyp, sailaýshylarymen kezdesýler ótkizetin májilis depýtattary jergilikti jerdegi atqarylyp jatqan istermen tanysyp, kópshiliktiń oi-pikirlerin tyńdamaq.
