Jalpyulttyq sotsial-demokratiialyq partiia (JSDP) músheleriniń kópshiligi ózderiniń kóshbasshysy Ashat Raqymjanovtyń alda ótetin májilis pen máslihat sailaýyna boikot jariialaý týraly usynysyn qoldady, dep habarlaidy Sputnik Qazaqstan.
Partiianyń sailaý aldyndaǵy sezi 27 qarashada ótti. Ashat Raqymjanov óz seriktesterin eldegi kez-kelgen sailaýdy eleýsiz qaldyrýǵa shaqyrdy.
"Bilik oppozitsiiany dástúrli túrde sailaýǵa qosymsha daýys berý esebi retinde qatysady jáne sailaýǵa qatysýshylardyń qosymsha paiyzyn ǵana alady dep sanaidy", - dedi Raqymjanov.
JSDP tóraǵasy óz partiiasynyń úkimettik jobaǵa ainalmaýy kerektigin basa aitty. Onyń mundai usynysy túrli pikir qaishylyǵyn týdyrdy. Biraq basym kópshiligi – 32 partiia múshesi – boikotty qoldady, úsheýi – qarsy, beseýi – qalys qaldy.
"Mundai sheshim shynymen de qiyn. Biraq men ýaqyt óte kele bizdiń sheshimimiz durys bolǵanyn tarih ózi kórsetedi degen senimdemin. Meniń oiymsha, buǵan barlyǵy da kóz jetkizedi. Parlamenttiń sailanbaitynyna, onyń tek basqarylatynyna kóz jetkizesizder áli", - dedi Raqymjanov daýys berý qorytyndylaryn shyǵarǵannan keiin.
Sonymen birge, ol aldaǵy ýaqytta partiianyń jumysyn jalǵastyra berý kerektigin basa aitty.
"Ómir bul boikotpen toqtalmaityny anyq, áli de sailaý bolady. Biz partiia qurýdy jalǵastyrýymyz kerek. Ýaqyt óte jyldam. Biz biyl kóp nárse jasaýǵa tyrystyq, biraq obektivti faktorlar bizge kedergi boldy", - dedi ol.
Raqymjanov kelesi jyly jaqsy ári jańa múmkindikter bolady dep sanaidy. Sonymen birge partiianyń kelesi saiasi keńesiniń jańa baǵdarlamasyn jasaý týraly sheshim qabyldandy.
"Biz jańarý baǵytyn jariialaýymyz kerek. Partiianyń jańarýy mańdaishadaǵy jazýdy aýystyrý siiaqty bolmaýy kerek. Biz jumys ádisin ózgertýdi de qolǵa alýymyz kerek. Saiasi keńestiń kelesi otyrysyna partiianyń jańa baǵdarlamasyn ázirleý qajet", - dedi Raqymjanov.
Raqymjanovtyń aitýynsha, prezidenttik sailaýǵa qatyspaǵan JSDP-nyń parlamenttik sailaýǵa boikot jariialaýy partiiaǵa eshqandai qaýip tóndirmeidi.
"Partiiamyzdyń jabylýy úshin biz qatarynan eki parlamenttik sailaýdy ótkizip jiberýimiz kerek", - dep túsindirdi JSDP jetekshisi.
Aita ketý kerek, 18 qyrkúiekte JSDP tóraǵasynyń orynbasary Aidar Álibaev partiia kelesi parlamenttik sailaýǵa boikot jariialamaidy dep málimdegen bolatyn.
Al endi Qazaqstannyń bes saiasi partiiasy májilis pen máslihattardaǵy oryndarǵa talasady. Olar : Nur Otan, "Aq jol" demokratiialyq partiiasy, "Aýyl" aýylsharýashylyq partiiasy men Adal (burynǵy "Birlik") jáne Qazaqstan kommýnistik halyq partiiasy.
