© Photo : Instagram orelireshka_official
Tótenshe jaǵdailar birinshi vitse-ministri Ibragim Kúlshimbaev Almatynyń qai aýdandary jer silkinisi kezinde óte qaýipti ekenin aitty, dep habarlaidy Sputnik Qazaqstan saity.
Ol Almaty seismikalyq qaýipti óńirlerdiń biri ekenin atap ótti.
"Almaty 27 qaýipti tektonikalyq jaryq aýmaǵynda ornalasqan. Negizgisi – qalanyń taýly aýdandary. Basqalarǵa qaraǵanda Túrksib aýdany – barynsha qaýipsiz, qalǵandary – Medeý, Bostandyq aýdandary plitalardyń ajyraǵan tusynda ornalasqan, sol sebepti qaýip joǵary", - dedi Kúlshimbaev ortalyq kommýnikatsiialar qyzmetinde ótken baspasóz máslihatynda.
Vitse-ministr joiqyn jer silkinisi bolsa, Almatydaǵy ǵimarattardyń otyz paiyzy qirap qalýy múmkin ekenin málimdedi.
"Qalanyń 60-70 paiyzy qirap qalady degen pikirmen kelise almaimyn. Biraq boljam boiynsha 9 jáne odan da kóp baldyq alapat jer silkinisi kezinde ǵimarattardyń 30 paiyzy qiraýy múmkin. Tiisinshe, qandai shyǵyn keletinin esepteý qajet", - dedi ol.
