Frantsiia áýe qorǵanys kúshteriniń «Rafal» eki joiǵysh ushaǵy eldiń ońtústik-shyǵysynda ushý synaǵyn ótkizip júrgen kezde onyń biri elektr jelisin uzip ketip, sol mańdaǵy aýyldardy birneshe saǵat jaryqsyz qaldyrdy, dep habarlaidy VVS.
Oqiǵa Provans-Alpi-Kókshil jaǵalaý aimaǵyndaǵy Le-Kastelle kenti mańynda boldy.
Áýe jandarmeriiasy oqiǵany tergeýdi bastady.
Jergilikti BAQ-tyń habarlaýynsha, ushaqtar Vokliýz departamentine qarasty Oranj qalasy janyndaǵy áýe bazasynan ushyp shyqqan.
Aýyl birneshe saǵat jaryqsyz otyrdy. Qaýipsizdik maqsatynda aýylǵa baratyn joldar jabyldy.
«Oqiǵadan eshkim zardap shekken joq. Oqiǵa saldarynan ushqysh Oranj áýe bazasyna 14:11-de qonýǵa májbúr bolǵan», - dedi Frantsiia áýe qorǵanys kúshteriniń baspasóz hatshysy La Provence-ke bergen suhbaty kezinde.
Áýe qorǵanys kúshteri mundai sirek bolatyn jaǵdai úshin ókinish bildirdi.
