فرانتسييا ەۋە قورعانىس كٷشتەرٸنٸڭ «رافال» ەكٸ جويعىش ۇشاعى ەلدٸڭ وڭتٷستٸك-شىعىسىندا ۇشۋ سىناعىن ٶتكٸزٸپ جٷرگەن كەزدە ونىڭ بٸرٸ ەلەكتر جەلٸسٸن ۇزٸپ كەتٸپ, سول ماڭداعى اۋىلداردى بٸرنەشە ساعات جارىقسىز قالدىردى, دەپ حابارلايدى ۆۆس.
وقيعا پروۆانس-الپٸ-كٶكشٸل جاعالاۋ ايماعىنداعى لە-كاستەللە كەنتٸ ماڭىندا بولدى.
ەۋە جاندارمەريياسى وقيعانى تەرگەۋدٸ باستادى.
جەرگٸلٸكتٸ باق-تىڭ حابارلاۋىنشا, ۇشاقتار ۆوكليۋز دەپارتامەنتٸنە قاراستى ورانج قالاسى جانىنداعى ەۋە بازاسىنان ۇشىپ شىققان.
اۋىل بٸرنەشە ساعات جارىقسىز وتىردى. قاۋٸپسٸزدٸك ماقساتىندا اۋىلعا باراتىن جولدار جابىلدى.
«وقيعادان ەشكٸم زارداپ شەككەن جوق. وقيعا سالدارىنان ۇشقىش ورانج ەۋە بازاسىنا 14:11-دە قونۋعا مەجبٷر بولعان», - دەدٸ فرانتسييا ەۋە قورعانىس كٷشتەرٸنٸڭ باسپاسٶز حاتشىسى La Provence-كە بەرگەن سۇحباتى كەزٸندە.
ەۋە قورعانىس كٷشتەرٸ مۇنداي سيرەك بولاتىن جاعداي ٷشٸن ٶكٸنٸش بٸلدٸردٸ.
