Sońǵy úsh jylda joǵary oqý oryndarynyń jataqhanalarynda 20 myńnan astam jańa oryn berildi. Sondai-aq stýdentterdiń jataqhanalarda turý jaǵdailary da jaqsardy. 17 joǵary oqý orny stýdentterdiń turǵyn úige degen qajettiligin tolyǵymen sheshti, dep habarlaidy QR Bilim jáne ǵylym ministrliginiń baspasóz qyzmeti.
«Stýdenttik jataqhanalarda jańa oryndardy berý elimizdiń barlyq óńirinde júzege asyrylyp jatyr. Berilgen jataqhanalar boiynsha kóshbasshylar qatarynda Nur-Sultan qalasy – 4 060 orynǵa shaqtalǵan 6 jataqhana, Shyǵys Qazaqstan oblysy –10 jataqhana (2 926 oryn), Almaty qalasy – 11 jataqhana (2 698 oryn), Shymkent qalasy – 9 jataqhana (2 434 oryn). Al, Batys Qazaqstan, Aqtóbe, Soltústik Qazaqstan jáne Túrkistan oblystaryndaǵy jataqhanalarda paidalanýǵa berilgen oryn sany eń az bolyp otyr», – dedi QR BǴM «Qarjy ortalyǵy» AQ prezidenti Asqar Ibraimov.
Stýdenttik jataqhanalar memlekettik-jekemenshik áriptestik qaǵidaty boiynsha salynyp, olardyń qurylysyna investorlar belsendi tartylyp jatyr.
Sonymen qatar jeke investorlardy qosymsha yntalandyrý úshin jataqhanalarǵa asa qajettilik baiqalatyn Nur-Sultan jáne Almaty qalalarynda memlekettik tapsyrys kólemin 47 AEK-ten 92 AEK-ke deiin ulǵaitý usynylady. Bul baǵytta Ministrlik tarapynan ǵimarattardy qaita qurý týraly 14-ten astam memorandým jasaldy.
Jalpy, 2021-2022 jyldary bekitilgen josparǵa sáikes joǵary oqý oyrnadarynyń jataqhanalarynda taǵy 55 myń jańa oryn paidalanýǵa beriledi.
Elbasy N.Á. Nazarbaev «Prezidenttiń bes áleýmettik bastamasy» atty halyqqa Úndeýinde stýdentterdiń ómir súrý jaǵdaiyn jaqsartýdy jáne 2022 jyldyń sońyna deiin keminde 75 myń orynǵa shaqtalǵan jańa stýdenttik jataqhanalar salýdy qamtamasyz etýdi tapsyrǵanyn aita ketken jón. Bul stýdentterdi turǵyn úimen qamtamasyz etý máselesin tolyq sheshýge múmkindik beredi.
