QR Bilim jáne ǵylym ministrligi joǵary jáne joǵary oqý ornynan keiingi bilim departamentiniń direktory Ádilet Toibaev «JOO-nyń úzdik oqytýshysy» baiqaýy erejesine engiziletin ózgeristerdi atady, dep habarlaidy QazAqparat.
«JOO-nyń úzdik oqytýshysy» baiqaýy erejesine engiziletin ózgertýler jaily qysqasha toqtalýǵa ruqsat etseńiz. Atalǵan normativtik qoldanystaǵy qujat 2015 jyly qabyldanyp, oqtyn-oqtyn ózgerister engizildi. Biraq, sol ýaqyttan beri ol túbegeili ózgeriske ushyraǵan joq. Grant mólsheri - 2 myń AEK. Bul jobany qarjylandyrý 01 biýdjettik baǵdarlamasy aiasynda júzege asyrylady. Osy jyldardyń ishinde joǵary oqý oryndarynyń 3 myńnan astam oqytýshysy ataq aldy. Biraq, bul jerde belgili bir kemshilikter bar. Eń aldymen atalǵan konkýrsty ótkizýdiń, onyń ishine JOO kezeńin ótkizýdiń ashyqtyǵyna qatysty», - dedi Ádilet Toibaev ministrliktiń apparat jinalysynda.
Onyń atap ótýinshe, respýblikalyq deńgeide apelliatsiiaǵa berý múmkindigi, baiqaý aiasynda qoldanylatyn kórsetkishterdi esepteý ádistemesi, JOO málimetter bazasymen integratsiialaýdy tsifrlandyrý joq.
Bul baiqaý qatysýshylaryna teris aqparattar usynýǵa jol ashady.
«Biyl baiqaýdy tsifrlyq formatta uiymdastyrý jáne ótkizý usynylady. Baiqaýǵa qujattardy berý JOO men respýblikalyq kezeńde aqparattyq júie arqyly bolady. JOO kezeńi QR Bilim jáne ǵylym ministrliginiń aqparattyq júiesi arqyly júzege asyrylady. Qujattardy saraptaý úshin buǵan deiin sarapshylar toby issaparǵa shyǵatyn. Endi munyń barlyǵy tsifrlyq formatta ótedi», - dedi Ádilet Toibaev.
