Elimizdegi munai, óndiris, metallýrgiia, qurylys, aýyl sharýashylyǵy salalarda 99% Qazaqstandaǵy joǵarý oqý ornyndarynyń túlekteri jumys istep jatyr. Bul týraly QR JOO assotsiatsiialar prezidenti Rahman Alshanov aitty, dep habarlaidy QazAqparat.
«Dúniejúzinde bilim salasyndaǵy báseke damýda. Bul Qazaqstanǵa da yqpal etýde. Qazaqstan sońǵy jyldary bilim sapasy boiynsha dúniejúzinde 45 eldiń qatarynda. Básekelestikte aldyǵa shyǵý úshin bilim arqyly damý kerek. Elimizde sońǵy jyldary bilim salasyna kóp kómek kórsetilip, bólinetin qarjy mólsheri, grant sany ósip jatyr. Osyǵan bailanysty oqý oryndarynyń derbestiligi ósti», - deidi Rahman Alshanov Ortalyq kommýnikatsiialar qyzmetinde ótken brifingte.
Ol osyǵan qaramastan bilim salasynda túiindi máseleler bar ekenin aitty.
«Elimizdegi munai, óndiris, metallýrgiia, qurylys, aýyl sharýashylyǵy, kólik jasaý, himiia óndirisi siiaqty eń basty salalarda 99% Qazaqstandaǵy joǵarý oqý ornyndarynyń túlekteri jumys istep jatyr. Degenmen jumysqa ornalasý jaǵynan kórsetkishteri tómen, basqa da talapqa sai emes oqý oryndary bar. Osyndai jaǵdailarǵa bailanysty Úkimet basshysynyń orynbasary Berdibek Saparbaevtyń basqarýymen ońtailandyrý jóninde memlekettik komissiia quryldy. Men de osy komissi múshesimin», - deidi ol.
