ەلٸمٸزدەگٸ مۇناي, ٶندٸرٸس, مەتاللۋرگييا, قۇرىلىس, اۋىل شارۋاشىلىعى سالالاردا 99% قازاقستانداعى جوعارۋ وقۋ ورنىندارىنىڭ تٷلەكتەرٸ جۇمىس ٸستەپ جاتىر. بۇل تۋرالى قر جوو اسسوتسياتسييالار پرەزيدەنتٸ راحمان الشانوۆ ايتتى, دەپ حابارلايدى قازاقپارات.
«دٷنيەجٷزٸندە بٸلٸم سالاسىنداعى بەسەكە دامۋدا. بۇل قازاقستانعا دا ىقپال ەتۋدە. قازاقستان سوڭعى جىلدارى بٸلٸم ساپاسى بويىنشا دٷنيەجٷزٸندە 45 ەلدٸڭ قاتارىندا. بەسەكەلەستٸكتە الدىعا شىعۋ ٷشٸن بٸلٸم ارقىلى دامۋ كەرەك. ەلٸمٸزدە سوڭعى جىلدارى بٸلٸم سالاسىنا كٶپ كٶمەك كٶرسەتٸلٸپ, بٶلٸنەتٸن قارجى مٶلشەرٸ, گرانت سانى ٶسٸپ جاتىر. وسىعان بايلانىستى وقۋ ورىندارىنىڭ دەربەستٸلٸگٸ ٶستٸ», - دەيدٸ راحمان الشانوۆ ورتالىق كوممۋنيكاتسييالار قىزمەتٸندە ٶتكەن بريفينگتە.
ول وسىعان قاراماستان بٸلٸم سالاسىندا تٷيٸندٸ مەسەلەلەر بار ەكەنٸن ايتتى.
«ەلٸمٸزدەگٸ مۇناي, ٶندٸرٸس, مەتاللۋرگييا, قۇرىلىس, اۋىل شارۋاشىلىعى, كٶلٸك جاساۋ, حيمييا ٶندٸرٸسٸ سيياقتى ەڭ باستى سالالاردا 99% قازاقستانداعى جوعارۋ وقۋ ورنىندارىنىڭ تٷلەكتەرٸ جۇمىس ٸستەپ جاتىر. دەگەنمەن جۇمىسقا ورنالاسۋ جاعىنان كٶرسەتكٸشتەرٸ تٶمەن, باسقا دا تالاپقا ساي ەمەس وقۋ ورىندارى بار. وسىنداي جاعدايلارعا بايلانىستى ٷكٸمەت باسشىسىنىڭ ورىنباسارى بەردٸبەك ساپارباەۆتىڭ باسقارۋىمەن وڭتايلاندىرۋ جٶنٸندە مەملەكەتتٸك كوميسسييا قۇرىلدى. مەن دە وسى كوميسسي مٷشەسٸمٸن», - دەيدٸ ول.
