Elimizde Joǵary oqý oryndaryn ońtailandyrý máseleleri jónindegi komissiia quryldy. Bul týraly QR Premer-Ministri Asqar Maminniń Májilis depýtatynyń resmi saýalyna bergen jaýabynda aitylǵan, dep habarlaidy "Ult aqparat".
«Bilim týraly» Qazaqstan Respýblikasy Zańynyń 62-babyna sáikes memlekettik bilim berý kásiporyndaryn, basqa da uiymdyq-quqyqtyq nysandardaǵy bilim berý uiymdaryn qarjylandyrý memlekettik bilim berý tapsyrysy negizinde júzege asyrylady jáne onyń kólemi jan basyna shaqqandaǵy normativtik qarjylandyrý boiynsha aiqyndalady. Bul rette, bilim berý qyzmetiniń normativi bilim berý protsesine bailanysty shyǵystar (bilim berý protsesine qatysatyn qyzmetkerlerdiń eńbekaqy qory, oqý shyǵystary) men bilim berý ortasyna qajetti shyǵystar (bilim berý protsesine qatyspaityn qyzmetkerlerdiń eńbekaqy qory, ǵimarattardy ustaý jáne qyzmet kórsetý shyǵystary) endi. Sizdiń grant qunynan bilim berý ortasyna shyǵyndardy shegerý jónindegi usynystaryńyzǵa qatysty, ony qabyldaý kommertsiialyq emes aktsionerlik qoǵam nysanyndaǵy joǵary oqý oryndarynyń tolyq qarjylandyrylmaýyna (bilim berý ortasy shyǵystaryna qarajatty ornalastyrý múmkindiginiń bolmaýynan), olardyń materialdyq-tehnikalyq bazasynyń nasharlaýyna, shyǵyndardyń bolýyna, grant qunynyń tómen mólsherine bailanysty memlekettik bilim berý tapsyrysynan jeke menshik joǵary bilim uiymdarynyń bas tartýyna ákep soǵýy múmkin, bul jastardyń joǵary bilim alýǵa qol jetkizýine teris áser etedi», - dedi Úkimet basshysy.
Onyń atap ótýinshe, qazirgi tańda joǵary bilimniń qoljetimdiligin arttyrý, jastardyń sheteldik joǵary oqý oryndaryna ketýin boldyrmaý maqsatynda respýblikalyq biýdjet esebinen qarjylandyrý jyl saiyn bólinetin memlekettik tapsyrystyń kólemin ulǵaitýǵa baǵyttalǵan. Osylaisha, ulǵaiý 2017 jyly 10 myń oryndy, 2018 jyly 20 myń oryndy qurady. Osy maqsattarǵa respýblikalyq biýdjetten qosymsha 2017 jyly – 603,3 mln teńge, 2018 jyly – 4 959,5 mln teńge, 2019 jyly – 22 681,1 mln teńge bólindi. Sonymen qatar, Qazaqstan Respýblikasyn 2015-2019 jyldarǵa arnalǵan indýstrialdy-innovatsiialyq damytýdyń memlekettik baǵdarlamasy sheńberinde elimizdiń 11 joǵary oqý orny jalpy somasy 6 mlrd teńge bolatyn 49 zamanaýi oqý-zertteý zerthanalarymen jaraqtandyryldy. Qazirgi tańda Dúniejúzilik bank qarajaty esebinen 7 pedagogikalyq joǵary oqý ornynyń materialdyqtehnikalyq bazasyn nyǵaitý júzege asyrylýda. Sonymen birge, «Qazaqstan Respýblikasynyń keibir zańnamalyq aktilerine joǵary oqý oryndarynyń akademiialyq jáne basqarý derbestigin keńeitý máseleleri boiynsha ózgerister men tolyqtyrýlar engizý týraly» 2018 jylǵy 4 shildedegi Qazaqstan Respýblikasynyń Zańynda joǵary oqý oryndaryna basqarýshylyq jáne qarjylyq derbestik berildi, olar kommertsiialyq emes aktsionerlik qoǵam bolyp qaita quryldy jáne qarajattardy tartý men qarjy qarajatyn jumsaýǵa, olardy joǵary oqý ornyn damytý úshin jinaqtaýǵa qabiletti.
«Qazirgi ýaqytta joǵary oqý oryndaryndaǵy 50-90 paiyz tabys joǵary oqý orny aiqyndaityn aqyly bilim berý qyzmetteri esebinen qalyptastyrylady. Osyǵan orai, búginde memleketettiń saiasaty joǵary oqý oryndaryna akademiialyq jáne qarjylyq bostandyq berýge baǵyttalǵan jáne olardyń materialdyq-tehnikalyq ustaýy jeke menshik qarajat esebinen júzege asyrylady. Sonymen qatar, meniń ókimimmen Qazaqstan Respýblikasy Úkimetiniń janynan Qazaqstan Respýblikasy Premer-Ministriniń orynbasary B.M. Saparbaevtyń tóraǵalyǵymen Joǵary oqý oryndaryn ońtailandyrý máseleleri jónindegi komissiia quryldy. Atalǵan komissiianyń negizgi mindeti joǵary bilimi bar kadrlardy daiarlaýdyń sapasyn, onyń ishinde turaqty qarjylandyrý esebinen arttyrý týraly usynystar men usynymdardy ázirleý bolyp tabylady. Jalpy alǵanda, kórsetilgen baǵyttardaǵy jumys jalǵasady jáne Úkimettiń turaqty baqylaýynda», - dedi Asqar Mamin.
Aita keteiik, Májilis depýtat, «Nur Otan» partiiasy fraktsiiasynyń múshesi Á. Bekturǵanov Úkimet basshysyna joldaǵan saýalynda joǵary bilim berý salasyn kredittik-jan basyna shaqqandaǵy qarjylandyrý aiasynda bilim berý granty qurylymyn qalyptastyrý ádistemesin qaita qaraýdy suraǵan bolatyn.
