QR Bilim jáne ǵylym vitse-ministri Miras Dáýlenov ekinshi semestrde joǵary oqý oryndarynda stýdentterdi dástúrli formatta oqytýdyń talaptaryn jariia etti, dep habarlaidy QazAqparat.
«Qazirgi tańda joǵary oqý oryndarynda tiisti sanitarlyq-epidemiologiialyq rejim bekitilgen. Aýditoriialarda stýdentterdiń tolymdylyǵy 40 paiyzdan aspaýy kerek. Sonymen qatar qońyraý soǵýdyń ártúrli kestesi bekitiledi. Iaǵni bir nysanda oqityn stýdentter bir-birimen kezige alatyndai jaǵdai bolmaýy tiis. Aýditoriialardaǵy áleýmettik qashyqtyq ta qarastyrylǵan, iaǵni partalardyń arasyn 2 sharshy metr aralyq bólip turýy tiis», - dedi Miras Dáýlenov Ortalyq kommýnikatsiialar qyzmetinde ótken baspasóz máslihatynda.
Sonymen qatar zerthanalarda jumys júrgizý úshin 1 stýdentke kem degende 5 sharshy metr berilýi kerek.
«Bekitilgen sheshimge sáikes, JOO-lar sanitarlyq-epidemiologiialyq rejimdi qamtamasyz etý reglamentin qaita qarap, tiisti sharalardy qabyldap jatyr. Jataqhanalarǵa kelek bolsaq, JOO-lar stýdentterdi 50 paiyz tolymdylyq boiynsha qabyldaýda», - dedi ol.
Eske sala ketsek, buǵan deiin Miras Dáýlenov osy jyldyń 18 qańtarynan bastap 1 kýrs stýdentteri kóbinese dástúrli formatta oqi bastaitynyn aitqan edi.
