Jomart Ertaevtyń isi boiynsha basty sot otyrysy Almaty qalasynyń Almaly aýdandyq sotynda ótip jatyr, – dep habarlaidy QazAqparat.
Sot protsesi Almaty qalasynyń qylmystyq ister jónindegi mamandandyrylǵan aýdanaralyq sotynyń ǵimaratynda ótip jatyr. Sot zalynda 37 sottalýshy otyr. Qylmystyq is 700 tomnan, al aiyptaý aktisi 3600 paraqtan turady. Sonymen qatar sýdia sottalýshylarǵa olardyń quqyqtaryn da oqyp berdi.
«Kinámdi tolyq moiyndaimyn», - dedi Ertaev memlekettik aiyptaýshynyń sózinen keiin.
Buǵan deiin Jomart Ertaevtyńń isine qatysty sottyń bastalǵanyn habarlaǵan bolatynbyz. Esterińizge sala keteiik, Jomart Ertaev ótken jyldyń mamyrynda Máskeýde QR IIM Interpoldyń Ulttyq ortalyq biýrosynyń ótinishi boiynsha ustalǵan bolatyn. QR IIM málimetinshe, Ertaev asa iri kólemdegi alaiaqtyǵy úshin halyqaralyq izdeýde bolǵan.
