Prezident Joldaýy – el basshylyǵynyń daǵdarystan keiin ekonomika men azamattardyń ál-aýqatyn qalpyna keltirý jónindegi is-qimylynyń aiqyn jáne naqty jospary. Bul pikirdi QR Prezidenti janyndaǵy Qazaqstan strategiialyq zertteýler institýtynyń (QSZI) direktory Zarema Sháýkenova bildirdi, dep habarlaidy QazAqparat.
Sarapshy «Prezident Qasym-Jomart Toqaevtyń biylǵy Joldaýynda quzyretti organdar men búkil qoǵam aldyna qoiatyn ózara bailanysty úsh mindeti naqty aiqyndalǵan. Onyń birinshisi – azamattardyń osal sanattaryna kómek kórsetý jáne áleýmettik tólemderdi qoljetimdi ete túsý, sonyń ishinde ataýly áleýmettik kómek, ádil salyq salý baǵyty, turǵyn úi, meditsinalyq jáne bilim berý qyzmetteriniń qoljetimdiligi, adam quqyqtaryn qorǵaý», - dedi Z. Sháýkenova.
Ekinshi mindet – memlekettik qyzmetshilerdiń shtatyn qysqartýǵa baǵyttalǵan memlekettik apparatty jańartý. Munda Strategiialyq josparlaý jáne reformalar agenttigin, Tótenshe jaǵdailar ministrligin qalpyna keltirý, memlekettik qyzmet kórsetýdiń jáne ulttyq kompaniialar qyzmetiniń ashyqtyǵyn arttyrý, jergilikti bilik organdarynyń róli men azamattardyń eldegi saiasi ómirge qatysýyn arttyrý usynylǵan.
«Úshinshi mindet – kásipkerlikti jan-jaqty qoldaý, ishki jalpy ónimniń quramyndaǵy qosymsha taýarlar úlesin arttyrý, sheteldik investitsiialardy tartý, damýdyń biýrokratiialyq, sybailastyq jáne basqa kedergilerin jeńý, kóleńkeli ekonomikaǵa qarsy turý arqyly ekonomikany qaita qalpyna keltirý. Ulttyq ál-aýqattyń turaqtylyǵyn arttyrýdyń negizgi baǵyttarynyń biri retinde Prezident álemdik naryqta qazaqstandyq ónimniń básekege qabilettiligi men QR eksporttyq áleýetin arttyrý qajettigin atady. Bul rette orta bizneske erekshe nazar aýdaryldy», - deidi sarapshy.
