Prezidenttiń baspasóz hatshysy Berik Ýáli Memleket basshysynyń Qazaqstan halqyna Joldaýynda aitylǵan investitsiia tartý týraly tapsyrmanyń qalai oryndalǵany týraly jelidegi paraqshasynda jazdy, dep habarlaidy "Ult aqparat".
Berik Ýáli 2020 jylǵy 1 qyrkúiekte jariialanǵan Memleket basshysy Qasym-Jomart Toqaevtyń «Jańa jaǵdaidaǵy Qazaqstan: is-qimyl kezeńi» atty Joldaýynda aitylǵan mindetten úzindi keltirdi.
«Álemde qalyptasqan jańa ahýalda elge investitsiia tartyp, otandyq taýarlar men qyzmetterdi eksportqa shyǵarý Úkimet úshin erekshe basymdyqqa ie bolyp otyr», delingen Prezident Joldaýynda.
Atalmysh tapsyrma boiynsha «Samuryq-Qazyna» UÁQ» aktsionerlik qoǵamy quny 1,3 trillion teńge bolatyn 18 investitsiialyq jobany júzege asyryp, 13 myńnan astam jumys orny ashylǵan.
«Atap aitqanda:
- Qostanai oblysynyń eldi mekenderin gazdandyrýdy keńeitý;
- Qýaty 500 kV bolatyn Shúlbi sý elektr stantsiiasy – Aqtoǵai – Taldyqorǵan – Alma jelisiniń qurylysy;
- Atyraý munai óńdeý zaýytyndaǵy munaidy joǵary deńgeide qaita óńdeý keshenin salý;
- Taraz qalasynda gaz taratý jelilerin jańǵyrtý;
- Mańǵystaý oblysynda gaz taratý jelilerin jańǵyrtý, rekonstrýktsiialaý jáne salý;
- Shardara sý elektr stantsiiasyn jańǵyrtý;
- Prorva ken oryndary tobynyń ilespe munai gazyn kúkirtsizdendirý qondyrǵysyn salý;
- «Beineý – Bozoi – Shymkent» magistraldy gaz qubyrynda 4 kompressorlyq stantsiia salý», delingen habarlamada.
