پرەزيدەنتتٸڭ باسپاسٶز حاتشىسى بەرٸك ۋەلي مەملەكەت باسشىسىنىڭ قازاقستان حالقىنا جولداۋىندا ايتىلعان ينۆەستيتسييا تارتۋ تۋرالى تاپسىرمانىڭ قالاي ورىندالعانى تۋرالى جەلٸدەگٸ پاراقشاسىندا جازدى, دەپ حابارلايدى "ۇلت اقپارات".
بەرٸك ۋەلي 2020 جىلعى 1 قىركٷيەكتە جارييالانعان مەملەكەت باسشىسى قاسىم-جومارت توقاەۆتىڭ «جاڭا جاعدايداعى قازاقستان: ٸس-قيمىل كەزەڭٸ» اتتى جولداۋىندا ايتىلعان مٸندەتتەن ٷزٸندٸ كەلتٸردٸ.
«ەلەمدە قالىپتاسقان جاڭا احۋالدا ەلگە ينۆەستيتسييا تارتىپ, وتاندىق تاۋارلار مەن قىزمەتتەردٸ ەكسپورتقا شىعارۋ ٷكٸمەت ٷشٸن ەرەكشە باسىمدىققا يە بولىپ وتىر», دەلٸنگەن پرەزيدەنت جولداۋىندا.
اتالمىش تاپسىرما بويىنشا «سامۇرىق-قازىنا» ۇەق» اكتسيونەرلٸك قوعامى قۇنى 1,3 تريلليون تەڭگە بولاتىن 18 ينۆەستيتسييالىق جوبانى جٷزەگە اسىرىپ, 13 مىڭنان استام جۇمىس ورنى اشىلعان.
«اتاپ ايتقاندا:
- قوستاناي وبلىسىنىڭ ەلدٸ مەكەندەرٸن گازداندىرۋدى كەڭەيتۋ;
- قۋاتى 500 كۆ بولاتىن شٷلبٸ سۋ ەلەكتر ستانتسيياسى – اقتوعاي – تالدىقورعان – الما جەلٸسٸنٸڭ قۇرىلىسى;
- اتىراۋ مۇناي ٶڭدەۋ زاۋىتىنداعى مۇنايدى جوعارى دەڭگەيدە قايتا ٶڭدەۋ كەشەنٸن سالۋ;
- تاراز قالاسىندا گاز تاراتۋ جەلٸلەرٸن جاڭعىرتۋ;
- ماڭعىستاۋ وبلىسىندا گاز تاراتۋ جەلٸلەرٸن جاڭعىرتۋ, رەكونسترۋكتسييالاۋ جەنە سالۋ;
- شاردارا سۋ ەلەكتر ستانتسيياسىن جاڭعىرتۋ;
- پرورۆا كەن ورىندارى توبىنىڭ ٸلەسپە مۇناي گازىن كٷكٸرتسٸزدەندٸرۋ قوندىرعىسىن سالۋ;
- «بەينەۋ – بوزوي – شىمكەنت» ماگيسترالدى گاز قۇبىرىندا 4 كومپرەسسورلىق ستانتسييا سالۋ», دەلٸنگەن حابارلامادا.
