Qoǵam qairatkeri, «Jańarý» respýblikalyq qoǵamdyq birlestiginiń direktory Dáýletkerei Rahmetýlin QR Prezidenti Qasym-Jomart Toqaevtyń Qazaqstan halqyna Joldaýyna qatysty oiyn bildirdi, dep habarlaidy QazAqparat.
«Prezidenttiń halyqqa Joldaýy bul – úlken strategiialyq mańyzy bar qujat. Endigi másele – ony oryndaý. Prezident ár sala boiynsha ne isteý kerektigin aityp, kórsetip berdi. Ony júzege asyrý árqaisymyzǵa bailanysty. Birinshiden osyny uiymdastyrý qajet. Ol úshin Úkimettiń qaýlysy bolýy shart. Ol jariialy bolýy qajet. Halyqtyń sanasyna jetkizý kerek. Ár ákimdik, ministrlik osy Joldaýdy oryndaý úshin ózindik jumys josparyn ázirleýi tiis», – deidi «Jańarý» RQB direktory Dáýletkerei Rahmetýlin
Onyń aitýynsha, Prezident eshqandai salany nazardan tys qaldyrmady. Kóterilgen máselelerdiń bári búgingi kúniń ózekti máselesi.
«Qasym-Jomart Toqaevtyń búgingi Joldaýy mańyzdy salalardyń bárin qamtydy. Jalpy, Memleket basshysynyń aldyńǵy Joldaýy da kóńilge qonymdy bolǵan. Búgingi Joldaý da ár qazaqstandyq úshin mańyzdy. Endi osyny júzege asyrýda jaýapkershilik tanytýymyz kerek», – dedi ol.
Sonymen qatar, ol Qasym-Jomart Toqaevtyń mańyzdy sheshimderdi qabyldai bilgenin atap ótti.
