Búgin, 6 qyrkúiek kúni Semei qalasynda «Joldaý - 2022: Ádiletti Qazaqstan jolynda» atty «Sarap» eksperttik klýbynyń aimaqtyq otyrysy ótti. Sharany uiymdastyrýshylar – QR Aqparat jáne qoǵamdyq damý ministrliginiń qoldaýymen «Qazaqstandyq qoǵamdyq damý institýty» KeAQ.
Jiynǵa Semei qalasy ákiminiń orynbasary Aidar Sadyrbaev, Semei qalalyq ardagerler keńesiniń tóraǵasy Muratqazy Alin, Semei qalalyq aýmaqtyq sailaý komissiiasynyń tóraǵasy Zeinolla Toqaev, Semei qalalyq máslihatynyń depýtaty Álibi Abdýraimov, memlekettik organdardyń ókilderi, saiasattanýshylar, qoǵam qairatkerleri, Shákárim ýniversitetiniń stýdentteri jáne QQDI sarapshylary qatysty.
Spikerler Joldaýda aitylǵan aýqymdy saiasi reformalar baǵdarlamalary men birqatar áleýmettik-ekonomikalyq sharalardyń negizgi aspektilerin talqylady.
Is-shara «Qazaqstandyq qoǵamdyq damý institýty» KeAQ Basqarma Tóraǵasy, QR Prezidentiniń janyndaǵy Ulttyq quryltai múshesi Qazbek Maigeldinovtyń moderatorlyǵymen ótti. Ol óz sózinde Joldaý ekonomikanyń sapaly jáne inkliýzivti ósýine jáne azamattardyń ál-aýqatyna baǵyttalǵanyn atap ótti.
«Jalpy búgingi Joldaýdyń basty tetigi – Ádiletti Qazaqstan. Árbir qamtylǵan baǵyt eldegi saiasi turaqtylyqty saqtaý úshin jasalyp jatyr. Iaǵni, ol ishki turaqtylyqqa kepil bolady. Sonymen birge, atqarýshy bilik, Úkimetke de syn aityldy. Kez kelgen bastamany júzege asyrýshy – ol Úkimet. Osyǵan sai, aldaǵy ýaqytta jergilikti basqarýshy organdardyń jumysy ońtailandyrylady», - dedi Qazbek Ómirzaquly.
Otyrysty Semei qalasy ákiminiń orynbasary Aidar Sadyrbaev ashty. Ol Joldaýdyń tarihi sipatyn, sondai-aq Prezident bastamashy bolǵan reformalardyń mańyzdylyǵyn atap ótti.
«Prezident aldaǵy saiasi jáne áleýmettik-ekonomikalyq reformalardy atap ótti, eldegi ahýalǵa, onyń odan ári perspektivalyq damýyna óz kózqarasyn bildirdi. Joldaý qazirgi jahandyq jáne ishki syn-qaterlerge der kezinde jaýap boldy jáne Qazaqstan halqynyń memleket pen qoǵamdy tiimdi jańǵyrtýǵa degen úmitin aqtady».
Saiasattanýshy Samat Nurtaza Joldaýda aitylǵan joldardyń sapasyn arttyrý jónindegi bastama ekonomikanyń damýyna serpin beretinin aitty.
«Memleket basshysy kótergen áleýmettik máselelerdiń biri – 2025 jylǵa deiin jergilikti joldardyń keminde 95% jóndeledi. Eger tas joldardy jóndep, jańasyn salsaq, ekonomika qarqyndy damityn bolady. Sebebi barlyq saýda-sattyq, ishki tasymaldaý osy magistraldarǵa bailanysty. Ishki týrizmdi damytý, qolaily investitsiialyq klimaty bar el retinde Qazaqstannyń áleýetin ashý – osy mindetterdiń barlyǵy avtomobil joldaryn damytýǵa tireledi. Avtomobil joldary – bul eldiń arteriiasy. Ishki týrizm, logistika, biznes, investitsiialyq klimat – munyń bári joldarǵa bailanysty», - dedi spiker.
«Osy jolǵy Joldaýdyń alǵashqy bóliginde elimizdiń áleýmettik-ekonomikalyq jaǵdaiyna jan-jaqty taldaý jasalsa, ekinshi bóliginde árbir sala bólektep, jekelep qarastyryldy. Bul bizdiń, ásirese eresek adamdardyń esinen ketpeitin jait dep bilemin. Tabystyń, zeinetaqynyń jyl saiyn qalypty ósýi, muǵalimderge beriletin kómek osynyń barlyǵy halyqqa jasalatyn jaqsylyq», - dedi Semei qalalyq ardagerler keńesiniń tóraǵasy Muratqazy Alin.
Saiasattanýshy Baýyrjan Serikbaev Prezidenttiń «Ulttyq qor – balalarǵa» atty jańa bastamasyna pikir bildire otyryp, bul jastardyń áleýmettik jaǵdaiyn jaqsartýǵa múmkindik beretinin atap ótti:
«Prezident Ulttyq qor qarjysynan túsken investitsiialyq paidanyń 50% tikelei balalardyń keleshegi úshin arnaiy esep shottaryna aýdarý bastamasyn kóterdi. Endi Ulttyq qor qarajatynan investitsiia retinde túsken tabys 18 jasqa deiingi balalardyń esep shotyna túsetin bolady». Menińshe bul óte jaqsy bastama. Osy kúnge deiin «Ulttyq qordyń qyzyǵyn halyq kórmedi» degen syn aitylatyn. Krizis kezinde, pandemiia ýaqytynda Ulttyq qor qarajatyn paidaǵa asyrdyq. Qarajat ekonomikany turaqtandyrýǵa jumsaldy», - dedi spiker.
Saiasattanýshy Dina Aikenova Qasym-Jomart Toqaevtyń Joldaýda aitqan máseleleri mańyzdy áleýmettik-ekonomikalyq máselelerdi sheshýge baǵyttalǵandyǵyna nazar aýdardy.
«Burynǵy otbasylyq saiasat memleket múddesiniń yqpalynan tys bolsa, bul Joldaýdyń elimizdiń árbir azamatyna baǵyttalǵany aiqyn seziledi. Pandemiia, qańtar tragediiasy siiaqty jaǵdailar ár azamatqa kómekke degen joǵary suranystardy kórsetti».
