Almatyda jolǵa talasyp, bir-birine judyryq ala júgirgen júrgizýshiler ustaldy, dep habarlaidy QazAqparat tilshisi.
Tártip buzýshylyq týraly video Instagram jelisinde jariialandy. Raiymbek pen Nazarbaev dańǵyly qiylysynda «Niscan Maksima» kóligi men «Mersedes» kóliginiń júrgizýshileri jolǵa talasyp qalǵan.
Júrgizýshiler jol ortasynda keptelis týdyryp, bir-birine judyryq ala júgirgen. Jolaýshylar olardyń tapansha jáne pyshaq alyp júgirgenin aitqan. Alaida, olardyń qolynda tapansha men pyshaq emes, aerozol ballony men ballon kilti bolǵan.
Qalalyq politsiia departamentiniń Jetisý aýdandyq IIB qyzmetkerleri jolda tóbeles shyǵarǵan júrgizýshilerdi ustady.
Alaida, bul derek týraly politsiiaǵa eshkim habarlaspaǵan.
«Tóbeleske kóshedegi adamdar aralasyp, ajyratyp alǵan. 102 nómirine qońyraý túspedi. Bul jait týraly politsiia tek áleýmettik jeliden kórgen. Politsiia buzaqylardy kóp uzamai ustap, suraq-jaýap aldy. «Niscan Maksima» júrgizýshisi 27 jastaǵy Suramysov A ballon kiltin paidalansa, 28 jastaǵy Sultanali D «Premer-4» aerozoldi piramehanikalyq ballonymen qarýlanǵan. Atalǵan zattar iske dáiekzattary retinde tárkilendi. Bul derek boiynsha QR QK 293-babymen tergeý isi bastaldy», - dedi Jetisý aýdandyq politsiia basqarmasynyń basshysy Darhan Musanov.
