video kadry
Astanada jol qiylysynda kólik qozǵalysyn rettegen jigit politseilerdiń nazaryn aýdardy. Tártip saqshylarynyń aitýynsha, bul áreket ákimshilik jaýapkershilikke ákep soǵady, - dep habarlaidy Tengrinews.kz portaly.
Áleýmettik jelide buǵan deiin "halyq retteýshisi" atanǵan jigit jolda kólik qozǵalysyn qalai rettep jatqanyn kórsetetin video paida boldy.
Elordalyq politsiia málimetinshe, oqiǵa keshki saǵat 17:00 shamasynda bolǵan. Politseilerge Momyshuly - Sátbaev qiylysynda belgisiz bireý jol qozǵalysyn rettep jatqany týraly qońyraý túsken.
"Fakt rastaldy. Bul áreket ákimshilik jaýapkershilikke ákep soǵady. 24 jastaǵy er adammen mundai derekterdiń aldyn alý jóninde profilaktikalyq áńgime júrgizildi. Astana Politsiia departamenti mundai áreketter ásirese keshki ýaqytta jáne shaǵylysatyn elementtersiz ómirge qaýipti ekenin, sonymen qatar kólikterdiń qozǵalysyna kedergi keltirýi múmkin ekenin eskertedi. Bul jaǵdaida baǵdarshamnyń durys jumys istemeýi týraly signal túse salysymen politseiler kóshe qiylysyndaǵy jaǵdaidy baqylaýǵa aldy", - dedi Astana Politsiia departamenti baspasóz qyzmetiniń jetekshisi Elmira Sháýlenova.
