Elimizde qalalar arasynda qatynaityn jolaýshylar poiyzynda vagon-meiramhananyń jumys isteýine ruqsat beriledi, dep habarlaidy "Ult aqparat".
Kóliktegi bas memlekettik sanitar dáriger Sádýaqas Baiǵabylovtyń tiisti qaýlysyna sáikes, jolaýshylar poiyzy quramyndaǵy vagon-meiramhana jolaýshylardyń aldyn ala tapsyrysy boiynsha jetkizip berý qyzmetin kórsetedi jáne áleýmettik araqashyqtyq saqtai otyryp, tamaqtaný zalynda 50 paiyz ǵana júktememen jumysyn bastaidy.
«Bul rette qoǵamdyq tamaqtaný qyzmetkerleri maska taǵyp, qolǵap kiiýi tiis. Jumysqa kiriser aldynda aýrý belgilerin anyqtaý úshin dene qyzýyn ólshetip, tekserýden ótýi qajet. Nysanda sanitarlyq-zalalsyzdandyrý rejimi, daiyn tamaqty tapsyrys berýshige oralǵan kúide jetkizý talaptary mindetti túrde saqtalýy kerek. Buǵan qosa, keminde 1 metr áleýmettik araqashyqtyq jáne maska rejimi saqtalǵan kezde jolaýshylar vagondar arasynda erkin júrip, vagon-meiramhanaǵa bara alady», - dedi Sádýaqas Baiǵabylov.
Aita keteiik, COVID-19 boiynsha qalǵan shekteý talaptary kúshinde qalady.
