Arnaiy ázirlengen jol aktivterin basqarý júiesi respýblikalyq jáne jergilikti mańyzy bar joldardyń jaǵdaiyn baqylap, jol boiynda qyzmet kórsetetin nysandar, aialdamalar, eldi mekender men merdiger uiymdar týraly tolyq aqparat berip otyrady. Bul jóninde Indýstriia jáne infraqurylymdyq damý ministrliginiń baspasóz qyzmeti habarlady.
«Joǵaryda atalǵan málimetterdiń barlyǵyn Avtomobil joldary komiteti ulttyq jol aktivteri sapa ortalyǵy jinap otyrady. Júiede birinshi kezekte uzyndyǵy 24 myń shaqyrymdy quraityn respýblikalyq mańyzy bar avtomobil joldary jónindegi aqparat qoljetimdi bolmaq. Budan keiin jergilikti joldardyń jaǵdaiyna qatysty málimetter engiziledi» delingen habarlamada.
Júie tehnikalyq turǵyda kelesi jyldyń mamyrynda iske qosylady dep kútilýde. Al paidalanýshylar ony 2020 jyldyń 1 maýsymynan bastap qoldana alady.
«Jol aktivterin basqarý júiesi» qosymshasyn Android jáne iOS platformasynan tegin júktep alýǵa bolady.
