Ákimshilik hattamalardyń 90 paiyzyn elektrondy túrde toltyrý úshin Qazaqstannyń jol saqshylaryna 5 myńǵa jýyq planshet kerek. QR Bas prokýratýrasynyń quqyqtyq statistika jáne arnaiy esepke alý jónindegi komitetiniń tóraǵasy Baǵdat Mýsin Bas prokýratýra ǵimaratynda ótken kóshpeli otyrysta aityp berdi, dep habarlaidy QazAqparat tilshisi.
«Ákimshilik óndiristerdiń biryńǵai tizimi» týraly da aityp ótkim keledi. Ol ne úshin jasalady? Máselen, sotqa deiingi tergeý amaldarynyń biryńǵai tizimi engizilgen kezde barlyq qylmystyq quqyqbuzýshylyq týraly málimetter boiynsha biryńǵai baza jasaldy. Sol sekildi «Tsifrly Qazaqstan» baǵdarlamasy aiasynda Ákimshilik óndiristerdiń biryńǵai tizimi jasalady», - dedi Baǵdat Mýsin.
Onyń aitýynsha, elimizde bul júie boiynsha jumys jol politsiiasynan bastalyp ketken.
«Sebebi, hattamalardyń kóbin jol politsiialary toltyrady. Qazirgi tańda planshetter 1 myńǵa jýyq politseige taratyldy. Statistikaǵa qarap otyrsaq, osyǵan deiin 80 myńǵa jýyq hattama elektrondy túrde toltyrylǵan. 2018 jyly osy kórsetkishtiń 13 paiyzy elektrondy toltyrý júiesine tiesili. Bul álbette, aitarlyqtai jetistik emes, sebebi tek 1 myń politseide ǵana planshet bar», - dedi ol.
Baǵdat Mýsin sonymen birge, qai qalanyń politseileri planshetpen ákimshilik hattamany toltyrýda kósh basynda turǵanyn atady.
«Astana, Almaty jáne Taraz qalasy - bul baǵytta aldyńǵy shepte. Ol qalada tártip saqshylary tolyqqandy planshetpen qamtamasyz etilip keledi. Statistikaǵa súiensek, bizdiń tártip saqshylary ákimshilik isterge qatysty hattamalardyń 90 paiyzyn elektrony túrde toltyrý úshin 5 myńǵa jýyq planshet kerek», - dedi ol.
Eske sala ketsek, buǵan deiin Baǵdat Mýsin «Elektrondy qylmystyq is» jobasy qalai iske asyrylatynyn túsindirip bergen bolatyn.
