ەكٸمشٸلٸك حاتتامالاردىڭ 90 پايىزىن ەلەكتروندى تٷردە تولتىرۋ ٷشٸن قازاقستاننىڭ جول ساقشىلارىنا 5 مىڭعا جۋىق پلانشەت كەرەك. قر باس پروكۋراتۋراسىنىڭ قۇقىقتىق ستاتيستيكا جەنە ارنايى ەسەپكە الۋ جٶنٸندەگٸ كوميتەتٸنٸڭ تٶراعاسى باعدات مۋسين باس پروكۋراتۋرا عيماراتىندا ٶتكەن كٶشپەلٸ وتىرىستا ايتىپ بەردٸ, دەپ حابارلايدى قازاقپارات تٸلشٸسٸ.
«ەكٸمشٸلٸك ٶندٸرٸستەردٸڭ بٸرىڭعاي تٸزٸمٸ» تۋرالى دا ايتىپ ٶتكٸم كەلەدٸ. ول نە ٷشٸن جاسالادى? مەسەلەن, سوتقا دەيٸنگٸ تەرگەۋ امالدارىنىڭ بٸرىڭعاي تٸزٸمٸ ەنگٸزٸلگەن كەزدە بارلىق قىلمىستىق قۇقىقبۇزۋشىلىق تۋرالى مەلٸمەتتەر بويىنشا بٸرىڭعاي بازا جاسالدى. سول سەكٸلدٸ «تسيفرلى قازاقستان» باعدارلاماسى اياسىندا ەكٸمشٸلٸك ٶندٸرٸستەردٸڭ بٸرىڭعاي تٸزٸمٸ جاسالادى», - دەدٸ باعدات مۋسين.
ونىڭ ايتۋىنشا, ەلٸمٸزدە بۇل جٷيە بويىنشا جۇمىس جول پوليتسيياسىنان باستالىپ كەتكەن.
«سەبەبٸ, حاتتامالاردىڭ كٶبٸن جول پوليتسييالارى تولتىرادى. قازٸرگٸ تاڭدا پلانشەتتەر 1 مىڭعا جۋىق پوليتسەيگە تاراتىلدى. ستاتيستيكاعا قاراپ وتىرساق, وسىعان دەيٸن 80 مىڭعا جۋىق حاتتاما ەلەكتروندى تٷردە تولتىرىلعان. 2018 جىلى وسى كٶرسەتكٸشتٸڭ 13 پايىزى ەلەكتروندى تولتىرۋ جٷيەسٸنە تيەسٸلٸ. بۇل ەلبەتتە, ايتارلىقتاي جەتٸستٸك ەمەس, سەبەبٸ تەك 1 مىڭ پوليتسەيدە عانا پلانشەت بار», - دەدٸ ول.
باعدات مۋسين سونىمەن بٸرگە, قاي قالانىڭ پوليتسەيلەرٸ پلانشەتپەن ەكٸمشٸلٸك حاتتامانى تولتىرۋدا كٶش باسىندا تۇرعانىن اتادى.
«استانا, الماتى جەنە تاراز قالاسى - بۇل باعىتتا الدىڭعى شەپتە. ول قالادا تەرتٸپ ساقشىلارى تولىققاندى پلانشەتپەن قامتاماسىز ەتٸلٸپ كەلەدٸ. ستاتيستيكاعا سٷيەنسەك, بٸزدٸڭ تەرتٸپ ساقشىلارى ەكٸمشٸلٸك ٸستەرگە قاتىستى حاتتامالاردىڭ 90 پايىزىن ەلەكترونى تٷردە تولتىرۋ ٷشٸن 5 مىڭعا جۋىق پلانشەت كەرەك», - دەدٸ ول.
ەسكە سالا كەتسەك, بۇعان دەيٸن باعدات مۋسين «ەلەكتروندى قىلمىستىق ٸس» جوباسى قالاي ٸسكە اسىرىلاتىنىن تٷسٸندٸرٸپ بەرگەن بولاتىن.
