- 2017 jyldyń 1 qańtarynan bastap ishki ister organdarynyń qyzmetkerleri kólikterdi toqtatý úshin arnaiy taiaqshalardy qoldanbaityn bolady, dep habarlaidy "Ult aqparat".
«Ishki ister ministrligi jol qozǵalysy qaýipsizdigine qatysty halyqaralyq tájiribemen tanysyp, zerttegen bolatyn. Qazirgi ýaqytta, birqatar eýropalyq elderde jol politsiiasy kólikti toqtatarda arnaiy taiaqshany (jezl) qoldanbaidy. Halyqaralyq standarttarǵa sáikes, 2017 jyldyń 1 qańtarynan bastap bizdiń ishki ister organdarynyń qyzmetkerleri de kólikterdi toqtatý úshin arnaiy taiaqsha qoldanbaityn bolady», - dep atap ótti ministrlikten.
Málim bolǵandai, endigide politseiler kólikti toqtatý úshin qolyn kóterip, «Toqta!» degen belgi beredi jáne sonymen birge, ysqyryqty nemese arnaiy dybys kúsheitkish jáne jaryq beretin quraldardy qoldanady. Jol erejesin buzýshylar sondai-aq avtopatrýlmen toqtatylatyn bolady.
«Jol erejesin buzǵandardy anyqtaý úshin beinekameralar, sonymen birge ishki ister organdarynyń beine tirkeýishteri qoldanylady», - dep túsindirdi IIM Memlekettik til jáne aqparat departamentiniń direktory Almas Sádýbaev.
