Jumyspen qamtýdyń 2020-2021 jyldarǵa arnalǵan jol kartasy (JQJK) aiasynda 6,7 myńnan astam jobany iske asyrý bastaldy, olarda 130 myń teńgelik ortasha jalaqymen 207 myń adam jumyspen qamtylǵan.
«JQJK infraqurylymdyq jobalaryn iske asyrý kezinde otandyq óndirýshilerdiń keminde 90 paiyzynyń taýarlary men qyzmetterin paidalanýdy qamtamasyz etý erekshe shart bolyp otyr. Jumysshylardyń keminde jartysyn jumyspen qamtý ortalyqtary arqyly jaldaidy, basymdyq jumyssyz jastarǵa beriledi. Merdigerler sanitarlyq-epidemiologiialyq sharalardy qoldana otyryp, qaýipsiz eńbek jaǵdaiyn qamtamasyz etýge tiis», - delingen Eńbek ministrligi málimetinde.
1 qarashadaǵy jaǵdai boiynsha óńirlerde 6,7 myń joba turǵysynda jumys bastaldy, 207 myń jumys orny quryldy, onyń ishinde halyqty jumyspen qamtý ortalyqtary arqyly 112 myńnan astam jumys orny ashyldy.
Baǵdarlamaǵa qatysýshylardyń jartysy aýyl turǵyndary, 40 paiyzy – jastar jáne 7 paiyzy – tabysy az azamattar.
JQJK aiasynda jumyspen qamtylǵandardyń eń joǵary úlesi Shyǵys Qazaqstan (20,5 myń adam nemese 108,8%), Qyzylorda (9,4 myń adam nemese 101,2%) jáne Atyraý (7,3 myń adam nemese 102,9%) oblystarynda.
Buǵan deiin habarlanǵandai, JQJK aiasynda barlyǵy 255 myń jumys ornyn ashý josparlanýda. Bul rette JQJK jobalary bolashaqta 100 myńnan astam turaqty jumys ornyn ashýǵa negiz bolady.
