Foto: Polisia.kz
Almatyda kólikti qaýipti júrgizgen 22 jastaǵy jigitke jarty million teńge aiyppul salyndy, - dep habarlaidy "Ult aqparat" Polisia.kz saityna silteme jasap.
Jol qozǵalysy erejesin óreskel buzý deregi áleýmettik jelilerge júrgizilgen monitoring barysynda anyqtalǵan.
"Bizdiń bólimsheniń izdestirý bóliminiń qyzmetkerleri tekseris júrgizdi. Nátijesinde Ál-Farabi dańǵylymen shyǵys baǵytta kele jatyp, jol qozǵalysy erejelerin óreskel buzǵan BMW avtokóliginiń júrgizýshisi anyqtaldy. Onyń áreketinde 29 quqyqbuzýshylyqtyń belgileri baiqaldy: QR ÁQBtK-niń 595-baby 1-bóligi – manevr jasaý erejelerin buzý boiynsha 27 hattama, taǵy 2 hattama QR ÁQBtK-niń 606-baby 1-bóligi – apattyq jaǵdaidy týyndatý boiynsha toltyryldy. Salynǵan aiyppuldyń jalpy somasy 534 myń 750 teńgeni qurady, – dedi Almaty qalalyq PD jergilikti politsiia qyzmeti basqarmasynyń bastyǵy Erjan Uzabaev.
