Foto: gov.kz
Joǵarǵy Sot keńesi Nur-Sultan qalasy sotynyń tóraǵasy laýazymyna kandidattardy qaraýǵa qatysty usynystar áli túspegenin habarlady, - dep habarlaidy Tengrinews.kz.
"Búginge deiin Joǵarǵy Sot keńesine Joǵarǵy Sot tóraǵasynan Nur-Sultan qalasy sotynyń tóraǵasy laýazymyna kandidattardy qaraý týraly usynys túsken joq", - dep jaýap berdi Joǵarǵy Sot keńesi ókilderi.
Vedomstvo málimetinshe, Tilektes Bárpibaev Prezidenttiń 2 maýsymdaǵy jarlyǵyna sáikes otstavkaǵa ketýine bailanysty elorda sotynyń tóraǵasy qyzmetinen bosatylǵan.
"Otstavka - bul zańnamada qarastyrylǵan sot ókiletin toqtatýdyń negizderiniń biri. "Qazaqstan Respýblikasynyń sot júiesi men sýdialarynyń mártebesi týraly" Konstitýtsiialyq zańnyń 35-babyna sáikes minsiz bedeli, keminde jiyrma jyl sýdialyq jumys ótili bar sýdianyń sýdia ataǵyn, sýdialar qoǵamdastyǵyna jatatynyn, jeke basyna tiispeýshilik kepildigin jáne ózge de materialdyq jáne múliktik kepildigin saqtai otyryp, laýazymynan qurmetpen ketý nysanynda sýdia ókiletiniń toqtatylýy otstavka sanalady. Sýdiany ornynan túsýi túrindegi qyzmetinen bosatý sýdianyń otstavkaǵa ketý týraly jazbasha ótinishi boiynsha júzege asyrylady. Sýdianyń otstavkaǵa ketý quqyǵyn rastaý máselesi Joǵarǵy Sot janyndaǵy sot tóreligin júzege asyrý sapasy jónindegi komissiiada qaralyp jatyr", - dep tolyqtyrdy Joǵarǵy Sot keńesi ókilderi.
