Elimizdegi joǵary oqý oryndarynda stýdentter sany óskenmen, onyń infraqurylymy ulǵaimaǵan. Bul týraly QR Bilim jáne ǵylym ministri Ashat Aimaǵambetovtiń joǵary oqý orny basshylarymen kezdesýinde aityldy, dep habarlaidy QazAqparat.
«Elimizdegi joǵary oqý oryndarynda stýdentter sany óskenmen, onyń infraqurylymy ulǵaimaǵan. Sondyqtan, ministrdiń tapsyrmasy boiynsha biyl memlekettik-jekeshelik áriptestik aiasynda joǵary oqý oryndaryndaǵy infraqurylymdy damytý boiynsha is-shara bastalady»- deidi Joǵary jáne joǵary oqý ornynan keiingi bilim departamentiniń direktory Ádilet Toibaev.
Onyń aitýynsha, ministrlik bilim berý salasyndaǵy normativtik quqyqtyq aktilerdi qatańdatý boiynsha jumys istep jatyr degen pikir bar. Jaqynda jasalǵan ózgeristerge kóz júgirtetin bolsaq, akademiialyq táýelsizdikti keńeitý boiynsha júieli jumystar júrgizilip jatqanymen qatar, sapaǵa qoiylatyn talaptar da arta túsýde.
«Birinshi, Memlekettik jalpyǵa mindetti bilim berý standartyna ózgerister engizildi, bul bakalavriat deńgeiinde praktikterdi tartýǵa keń múmkindik berdi. Ekinshi, magistratýrada jáne doktorantýrada deńgeiindegi ǵylymi jetekshilerge qoiylatyn talaptar kúsheitildi. Úshinshi, doktorantýranyń mazmuny akademiialyq jazýdaǵy pánderdi jáne ǵylymi zertteý ádisterin qamtidy», - deidi ol.
Sondai-aq, qyzmettiń tiptik erejeleri aqyly bilim berý qyzmetin retteitin ereje alyp tastaldy. Synyptar men jataqhanalardy paidalaný úshin senimdi basqarý múmkindigi qarastyrylǵan.
