Foto: ashyq derekkóz
Ǵylym jáne joǵary bilim ministrligi 2025–2026 oqý jylyna elimizdiń joǵary oqý oryndaryna qujat qabyldaý naýqany bastalǵanyn habarlaidy.
13–20 shilde aralyǵynda talapkerlerden bilim berý granttary konkýrsyna, sondai-aq aqyly negizde oqýǵa ótinishter qabyldanady. Qujattardy eGov.kz portaly arqyly onlain nemese joǵary oqý oryndary janyndaǵy qabyldaý komissiialary arqyly tapsyrýǵa bolady.
Bilim berý granttary konkýrsyna qatysý jáne aqyly negizde oqýǵa túsý úshin UBT nátijesi boiynsha shekti ball belgilengen:
🔹 «Quqyq» jáne «Pedagogikalyq ǵylymdar» baǵyttary boiynsha – keminde 75 ball;
🔹 «Densaýlyq saqtaý jáne áleýmettik qamtamasyz etý (meditsina)» baǵyty boiynsha – keminde 70 ball;
🔹 Ulttyq joǵary oqý oryndaryna túsý úshin – keminde 65 ball;
🔹 Basqa joǵary oqý oryndaryna túsý úshin – keminde 50 ball;
🔹 Qazaq ulttyq sý sharýashylyǵy jáne irrigatsiia ýniversitetine túsý úshin – keminde 50 ball.
Aita ketý kerek, joǵary oqý oryndary granttar konkýrsyna qatysý jáne aqyly negizde oqýǵa qabyldaý úshin óz shekti balyn belgileýge quqyly.
