Tehnikalyq jáne IT salalarǵa granttar 60%-ǵa deiin ósedi. Bul týraly Májilistiń jalpy otyrysynda QR Premer-Ministriniń orynbasary Eraly Toǵjanov aitty, dep habarlaidy QazAqparat.
«Memleket basshysynyń tapsyrmasy boiynsha 2025 jylǵa deiin 1000 mektep salynady. Bul úsh aýysymdy jáne apatty mektepter problemasyn sheshýge jáne demografiialyq ósimnen týyndaityn oqýshy oryndaryna tapshylyqty joiýǵa baǵyttalǵan. Qala men aýyl mektepteri arasyndaǵy bilim sapasynyń alshaqtyǵyn joiý úshin mektepterdi modernizatsiialaý jalǵasýda. 2025 jylǵa qarai suranysqa ie mamandyqtar boiynsha kolledjde bilim alý 100% tegin bolady. Joǵary oqý oryndaryna beriletin granttar sany 75 myńǵa deiin ulǵaitylady. Onyń ishinde tehnikalyq jáne IT salalarǵa granttar 60%-ǵa deiin ósedi», - dedi Toǵajanov.
Sonymen qatar ol ekonomikaǵa naqty qajetti kadrlar daiarlaýǵa basymdyq beriletinin aitty.
