تەحنيكالىق جەنە ٸت سالالارعا گرانتتار 60%-عا دەيٸن ٶسەدٸ. بۇل تۋرالى مەجٸلٸستٸڭ جالپى وتىرىسىندا قر پرەمەر-مينيسترٸنٸڭ ورىنباسارى ەرالى توعجانوۆ ايتتى, دەپ حابارلايدى قازاقپارات.
«مەملەكەت باسشىسىنىڭ تاپسىرماسى بويىنشا 2025 جىلعا دەيٸن 1000 مەكتەپ سالىنادى. بۇل ٷش اۋىسىمدى جەنە اپاتتى مەكتەپتەر پروبلەماسىن شەشۋگە جەنە دەموگرافييالىق ٶسٸمنەن تۋىندايتىن وقۋشى ورىندارىنا تاپشىلىقتى جويۋعا باعىتتالعان. قالا مەن اۋىل مەكتەپتەرٸ اراسىنداعى بٸلٸم ساپاسىنىڭ الشاقتىعىن جويۋ ٷشٸن مەكتەپتەردٸ مودەرنيزاتسييالاۋ جالعاسۋدا. 2025 جىلعا قاراي سۇرانىسقا يە ماماندىقتار بويىنشا كوللەدجدە بٸلٸم الۋ 100% تەگٸن بولادى. جوعارى وقۋ ورىندارىنا بەرٸلەتٸن گرانتتار سانى 75 مىڭعا دەيٸن ۇلعايتىلادى. ونىڭ ٸشٸندە تەحنيكالىق جەنە ٸت سالالارعا گرانتتار 60%-عا دەيٸن ٶسەدٸ», - دەدٸ توعاجانوۆ.
سونىمەن قاتار ول ەكونوميكاعا ناقتى قاجەتتٸ كادرلار دايارلاۋعا باسىمدىق بەرٸلەتٸنٸن ايتتى.
