Foto:elements.envato.com
Qazaqstandyq ýniversitetter smart-ýniversitet úlgisine kóshýdi josparlap otyr. Bul týraly ǵylym jáne joǵary bilim ministri Saiasat Nurbek málimdedi, - dep habarlaidy Tengrinews.kz agenttigi.
Úkimet otyrysynda sóilegen sózinde ministr vedomstvonyń uzaq merzimdi perspektivaǵa baǵyttalǵan aýqymdy jumys atqarǵanyn atap ótti. Osylaisha, oqytýdyń jańa túri - onlain oqytý engizildi.
"Joǵary oqý oryndary Smart-ýniversitetter modeline kóshedi. Bul stýdenttiń tsifrlyq beiinin qalyptastyrýdy, iaǵni student life track, EdTech tsifrlyq servisterin damytýdy, tsifrlandyrýdyń ozyq trendterine sáikes protsesterdi ońtailandyrýdy kózdeidi. Coursera, EdX kýrstarynyń aýqymy keńeitildi. Basqarý sapasyn arttyrý jáne bilim berý qyzmetterin kórsetý maqsatynda "Tsifrlyq ýniversitettiń etalondyq standarty" ázirlenetin bolady", - dedi Saiasat Nurbek.
Sondai-aq, onyń aitýynsha, joǵary bilimniń tsifrlyq transformatsiia strategiiasyn úilestirý maqsatynda árbir JOO-da tsifrlyq ofitser (CDO) laýazymyn engizý jumystary jalǵasady.
