Endi joǵary oqý oryndary áskeri boryshyn ótegenderge grant bóledi. Qorǵanys ministrligi elimizdiń joǵary oqý oryndarymen osyndai kelisimge qol qoidy, - dep habarlaidy Tengrinews.kz.
Bul týraly Almatyda qorǵanys ministri Rýslan Jaqsylyqov pen joǵary oqý oryndary rektorlarynyń kezdesýinde aityldy. Sharaǵa Bas áskeri prokýror Dastan Sekenov, ǵylym jáne joǵary bilim ministri Saiasat Nurbek qatysty.
Kezdesý áskeri boryshyn ótegenderdi tegin joǵary bilimmen qamtamasyz etý boiynsha Qorǵanys ministrligi men elimizdiń joǵary oqý oryndarynyń birlesken jobasy aiasynda ótti.
"Búgin qorǵanys ministri elýden asa joǵary oqý ornymen áskeri boryshyn ótegenderge grant berý týraly memorandýmǵa qol qoidy. Iaǵni bir jyl áskerde qyzmet ótkergender osy joǵary oqý oryndaryna UBT-syz túse alady", - delingen habarlamada.
Elýden asa joǵary oqý ornynyń basshylary qol qoiǵan kelisimde yntymaqtastyqtyń baǵyttary aiqyndalyp, áskeri boryshyn ótegen tulǵalarǵa jyl saiyn tegin bilim alýǵa bólinetin oryndardyń sany aiqyndalǵan.
Kelisimder 2023 jyldan bastap kúshine enedi.
