.jpeg)
Astana memlekettik qyzmet haby Nazarbaev Ýniversitetiniń Joǵary memlekettik saiasat mektebi jáne QR Memlekettik qyzmet isteri agenttigimen birlesip, basshy býyn memlekettik qyzmetshilerine, bilim berý jáne halyqaralyq uiymdardyń qyzmetkerlerine «Saiasatty aiqyndaityn adamdar úshin perspektivalyq oilaý jáne stsenariilik josparlaý» (Futures Thinking and Scenario Planning for Policymakers) taqyrybynda biliktilikti arttyrýdyń arnaiy baǵdarlamasy boiynsha trening ótkizdi.
Trening barysynda qatysýshylar stsenariilik josparlaý arqyly perspektivaly oilaý tujyrymdamasymen, kúrdeli jaǵdailarda ózgeristerdiń aldyn-ala boljaý, jasyryn boljamdardy ashý jáne óz uiymdaryndaǵy álsiz jaqtar men kemshilikterdi anyqtaý qabiletin arttyrý úshin basqa da quraldarmen tanysty.
Astana Memlekettik qyzmet haby Basqarýshy komitetiniń tóraǵasy Alihan Baimenov óz sózinde bolashaqqa baǵdarlanǵan oilaýdy damytý úshin osy treningtiń mańyzdylyǵy men ózektiligin atap ótti. «Jaǵdaidy Ekibastuzda oryn alǵan jaǵdai sekildi shekten shyǵarmaý úshin bolashaq synaqtardyń aldyn alatyn jáne olarǵa daiyndyqty qamtamasyz etetin josparlaý quraldaryn paidalaný qajet», - dedi Baimenov.
Nazarbaev Ýniversitetiniń Memlekettik saiasat joǵary mektebiniń dekany Veng Vat Hýei perspektivalyq oilaý saiasat qalyptastyratyn adamdarǵa ózderiniń komfort aimaǵynan shyǵyp, tikelei qyzmet salalarynan tys keńirek júieli kontekstti jeke jáne uiymdastyrýshylyq deńgeide qarastyrýǵa yqpal etýde mańyzdy ról atqaratynyn atap ótti.
Treningti Singapýr Ulttyq ýniversitetiniń Li Kýan Iu Memlekettik saiasat mektebinen (LKYSPP) shaqyrylǵan jetekshi jattyqtyrýshylar Adrian Kýa men Djared Pýn ótkizdi. Olardyń Singapýr Premer-Ministriniń Keńsesinde memlekettik jáne jeke sektorlarda ulttyq jáne uiymdastyrýshylyq deńgeidegi stsenariilerdi ázirleý boiynsha úlken tájiribesi bar.
Trening interaktivti formatta ótti, onda qatysýshylar tyńdaýshy retinde ǵana emes, sonymen qatar óz ideialarymen belsendi túrde bólisip, toptyq pikirtalastarǵa qatysty.
