Prezident Qasym-Jomart Toqaev qańtar oqiǵasy týraly aitty, - dep habarlaidy Tengrinews.kz.
Bul týraly Memleket basshysy Qazaqstan halqyna joldaýynda aitty.
"Ókinishke qarai, búlikshilerdiń qaraqshylardyń, lańkesterdiń kesirinen qanshama azamatymyz qaza boldy. Qara jamylǵan otbasylardyń qaiǵysyna ortaqtasyp, taǵy da kóńil aitamyn. Biz mundai jaǵdai endi qaitalanbaýy úshin bárin jasaimyz. Qazaqta "ótken kúnnen alys joq, keler kúnnen jaqyn joq" degen sóz bar. Bizdiń paryzymyz - qandy qylmys jasalǵanyn umytpai, barlyq sodyr men lańkesti jazaǵa tartý. Halqymyz osy oqiǵadan sabaq ala bilýi kerek. Eldiń tynyshtyǵyn buzyp, qaýipsizdigine nuqsan keltiretin áreketke eshqashan jol bermeýge tiispiz", - dedi Prezident.
