«Eńbek» memlekettik baǵdarlamasy sheńberinde 9-11 synyptan keiin oqý oryndaryna túspegen 18,4 myń mektep túlegine, sondai-aq kásiptik bilimi joq jastarǵa, onyń ishinde jetimderge, múmkindikteri shekteýli adamdarǵa, kópbalaly jáne tabysy az otbasy múshelerine eńbek naryǵynda suranysqa ie mamandyqtardy tegin meńgerýge múmkindik berildi. Bul jóninde Eńbek jáne halyqty áleýmettik qorǵaý ministrligi habarlady.
«Barshaǵa arnalǵan tegin kásiptik tehnikalyq bilim» jobasy 2017 jyldan bastap iske asyrylýda jáne ol 2021 jylǵa deiin eseptelgen.
2020 jylǵy 1 qyrkúiekten bastap oqýǵa 18 myńnan astam jas jiberildi, onyń ishinde 9-synyp bazasynda – 14,2 myń adam, 11-synyp bazasynda – 4,2 myń adam. Onyń ishinde 4,9 myń adam – kópbalaly otbasy músheleri, 5,3 myń adam – tabysy az otbasy músheleri, 1,3 myń adam – ótken jyldardyń túlekteri, 414 jetim, 233 múgedek jáne 6,3 myń adam – basqa sanattaǵy jastar (jumyssyzdar, internattyq uiymdardyń tárbielenýshileri, NEET sanatyndaǵy jastar).
Kadrlardy daiarlaý tehnikalyq jáne kásiptik, orta bilimnen keiingi bilimniń mamandyqtary men biliktilikteriniń synyptaýyshyna sáikes oqytý merzimderi men bilim berý deńgeileri boiynsha biliktilikter men mamandyqtar tizbesi negizinde aiqyndalǵan 171 biliktilik boiynsha 370 TjKB uiymynda júzege asyrylady.
TjKB bar kadrlardy daiarlaýdyń uzaqtyǵy bilim baǵdarlamalarynda kórsetilgen merzimderge sáikes tańdalǵan mamandyq pen biliktilikke bailanysty (3 jylǵa deiin).
Qatysýshylar tizimin jumyspen qamtýdy úilestirý jáne áleýmettik baǵdarlamalar basqarmalarynyń, «Atameken» óńirlik kásipkerler palatasynyń ótinimderi negizinde 2 062 mobildik top qalyptastyrdy.
Kadr daiarlaýda energetika, qurylys, kólik, montajdaý, paidalaný jáne jóndeý salalary boiynsha, aýyl sharýashylyǵy, bailanys, telekommýnikatsiia, aqparattyq tehnologiialar, servis jáne basqa baǵyttar boiynsha júzege asyrylady.
Joba sheńberinde TjKB-men kadrlardy daiarlaýdaǵy basty ereksheligi aqysyz usynylatyn bilim berý, kadrlardy daiarlaýdyń dýaldy modelin paidalaný bolyp tabylady, oqytý tek jumys biliktilikteri men mamandyqtary boiynsha júzege asyrylady, sondai-aq barlyq qatysýshylardy 21 787 teńge mólsherindegi stipendiiamen, bir rettik tamaqpen jáne jol júrýmen qamtamasyz etedi.
Daiyndalatyn kadrlardyń básekege qabilettiligi men sapasyn arttyrý úshin oqytý 40% teoriialyq sabaqtardan, al 60% óndiristik praktikadan turady. Ol úshin bilim berý uiymdary iri kásiporyndarmen jáne uiymdarmen sharttar jasasady.
Óz kezeginde kásiporyndar Baǵdarlamaǵa qatysýshylarǵa jumys oryndaryn usynady jáne olarǵa tálimgerler bekitedi.
Oqý aiaqtalǵannan keiin túlekterge jumyspen qamtýǵa járdemdesý sharalary kórsetiledi. Ol úshin bilim berý uiymdary oqýdy aiaqtaǵandardyń tizimin halyqty jumyspen qamtý ortalyqtary men «Atameken» ÓKP-ǵa jiberedi.
Budan basqa, baǵdarlamaǵa qatysýshylar oqýdan keiin 200 AEK mólsherinde biznes-ideialardy iske asyrýǵa memlekettik granttar alýǵa quqyly.
