«Qarasora-2021» jedel-aldyn alý is-sharalaryn júrgizý barysynda elorda politseileri «Mefedron» jáne «Amfetamin» retinde belgili sintetikalyq esirtkilerdi óndiretin kezekti esirtki zerthanasyn anyqtady, dep habarlaidy "Ult aqparat" Nur-Sultan qalasy Politsiia departamentiniń baspasóz qyzmetine silteme jasap.
Esirtki zerthanasy men ony ári qarai satýǵa arnalǵan internet-dúken elordanyń qymbat turǵyn úi keshenderiniń birindegi jaldamaly páterde ornalasqan.
«Óndiristi» uiymdastyrýshy 27 jastaǵy diplomy bar biotehnolog bolyp shyqty. Ol óziniń alǵan bilimin sintetikalyq esirtkilerdi óndirý men satýǵa qoldanǵan.
Tintý barysynda kúdiktiden sintetikalyq esirtkilerdi daiyndaý formýlalary jazylǵan dápter, elektrondy tarazy, psihobelsendi zattardy óndirý úshin himiialyq komponetter, psihotroptyq zattar qatparlanǵan kolbalar, býyp-túiýge arnalǵan polietilen paketteri, esirtki satýshy qoldanǵan derbes kompiýter, sonymen qatar 10 gramm satýǵa daiyn turǵan «sintetik» anyqtalǵan.
Kúdikti esirtkilerdi óziniń jeke internet-dúkeni arqyly «bailanyssyz ádis» boiynsha satqan. Tapsyrysty orama retinde qoǵamdyq oryndarǵa, ortalyq saiabaqtarǵa, tipti balalar alańdaryna qaldyryp otyrǵan.
Osylaisha, jedel-tergeý sharalaryn júrgizý kezinde kúdikti elorda saiabaqtarynyń birinde politsiia qyzmetkerlerine oralǵan esirtkiler saqtalatyn jerlerge nusqaǵan.
Júrgizilgen operatsiia barysynda Esirtki qylmysyna qarsy is-qimyl basqarmasynyń qyzmetkerleri zańsyz ainalymnan sintetikalyq esirtkiniń 60 dozasyn tárkiledi.
Qazirgi kezde kúdikti qamaýǵa alyndy. Oǵan QR QK-niń 3-bólimi 297-baby «Esirtki quraldaryn, psihotroptyq zattar men sol tektesterdi ótkizý maqsatynda zańsyz daiyndaý, qaita óńdeý, iemdený, saqtaý, tasymaldaý, jóneltý ne ótkizý» boiynsha aiyptaýlar usynyldy. Bul 15 jylǵa deiin bas bostandyǵynan aiyrýdy kózdeitin bap jáne ol kináli adamnyń múlkin tárkileýdi qarastyrady.
Osy jyldyń basynan bastap bul – elordalyq politseiler anyqtaǵan ekinshi esirtki zerthanasy. Odan bólek, alty aidyń ishinde zańsyz ainalymnan 45 kg túrli esirtki quraldary tárkilendi. Olardyń ishinde «geroin», «nasha», «marihýana» jáne «sintetikalyq esirtkiler» bar. 12 qylmystyq is qozǵalǵan.
Bul jerde ólimge ákeletin zattardy satýmen ainalystan qylmyskerlerdi ustaýda azamattardyń kómegi bar ekenin aita ketý kerek.
Osylaisha, jyldyń basynan bastap 51 turǵynnan esirtki satatyn internet-dúkenderdiń jarnamasy bar graffiti sýretteri týraly habarlama (barlyǵy óshirilgen) kelip túsken.
Bul baǵyttaǵy jumystar jalǵasýda.
