Joǵarǵy sot tulǵany qylmystyq jaýapkershilikten zańsyz bosatty dep aiyptalǵan Almaty qalasy Naýryzbai aýdanynyń burynǵy prokýrory Viktor Tihonovty aqtady, - dep habarlaidy Tengrinews.kz.
27 qyrkúiekte ótken sot otyrysynda sot eks-prokýrorǵa qatysty úkimniń kúshin joidy.
"Ol tolyq aqtaldy", - dedi Joǵarǵy sottyń baspasóz hatshysy Eldos Jumaqsanov.
Eske salaiyq, Viktor Tihonov 2017 jyldyń qazan aiynda ustalǵan. Naýryzbai aýdandyq IIB tergeýshisi, aǵa leitenant Erlan Ánýarbekpen birge olarǵa adamdy qylmystyq jaýapkershilikten zańsyz bosatty dep aiyp taǵylǵan. Sondai-aq, eks-prokýrorǵa sýtenerge qamqorlyq jasady degen aiyp taǵylǵan. 2018 jyldyń shildesinde sot olardy úsh jylǵa bas bostandyǵynan aiyrdy.
